လီဗာပူးအသင်းရဲ့ ဂန္ထဝင်တိုက်စစ်မှူး မိုဟာမက်ဆာလာဟာ ဒီရာသီကုန်မှာ အသင်းကနေ အလွတ်ပြောင်းရွှေ့ကြေးနဲ့ ထွက်ခွာတော့မယ်လို့ တရားဝင်ကြေညာလိုက်ပါတယ်။

အသက် ၃၃ နှစ်အရွယ် ဆာလာဟာ အန်ဖီးလ်မှာ ၉ နှစ်ကြာ ဖြတ်သန်းခဲ့ပြီး အသင်းအတွက် ၂၅၅ ဂိုး သွင်းယူကာ လီဗာပူးအသင်းသမိုင်းမှာ တတိယမြောက် ဂိုးသွင်းအများဆုံး ကစားသမားအဖြစ် မှတ်တမ်းဝင်ခဲ့သူပါ။

ဆာလာက “လီဗာပူးဟာ ကျနော့်ဘဝရဲ့ အကောင်းဆုံးအချိန်တွေကို ပေးခဲ့တာပါ။ ခွဲခွာရတာ မလွယ်ကူပေမဲ့ ကျနော်ဟာ အမြဲတမ်း လီဗာပူးပရိသတ်တဦး ဖြစ်နေမှာပါ” လို့ နှုတ်ဆက်စကား ပြောကြားခဲ့ပါတယ်။

ဆာလာကို ဆော်ဒီကလပ်တွေနဲ့ အမေရိကန်ကလပ်တွေက စိတ်ဝင်စားနေကြပြီး လီဗာပူးအသင်းကတော့ သူ့ရဲ့နေရာမှာ အစားထိုးဖို့ ကစားသမားသစ် ရှာဖွေမှုတွေ စတင်နေပြီ ဖြစ်ပါတယ်။