ရှမ်းပြည်နယ် မိုင်းလားဒေသမှ တာချီလိတ်မြို့ကို ပို့ဆောင်မယ့် စိတ်ကြွဆေးပြား ပြုလုပ်တဲ့ ပစ္စည်းတွေကို ဇူလိုင်လ ၂၁ ရက်နေ့ မွန်းလွဲပိုင်းက ကျိုင်းတုံ-မိုင်းခတ်သွား ကားလမ်းရှိ ၀မ်တာပုံစစ်ဆေးရေး စခန်းမှာ ကျိုင်းတုံမူးယစ်ရဲတပ်ဖွဲ့က ဖမ်းဆီးရမိခဲ့ပါတယ်။
ဝမ်တာပုံစစ်ဆေးရေး စခန်းမှာ ကျိုင်းတုံမူးယစ်တာဝန်ရှိသူတွေဟာ သတင်းအရ မိုင်းခတ်မြို့ကနေ ကျိုင်းတုံမြို့ဘက် လုကာ မောင်းနှင်ပြီး မော်ဖြိုးနဲ့ ကျရှီး လိုက်ပါလာတဲ့ ၁၀ ဘီးယာဉ်ကို စစ်ဆေးရာ ယာဘက်တံခါး ပစ္စည်းထည့်တဲ့ နေရာမှာ WY စာတမ်းပါ စိတ်ကြွ ဆေး ၁ ပြား၊ ယာဉ်နောက်ခန်း သစ်သားပုံး ၁၃ ပုံးမှာ ထည့်ထားတဲ့ စိတ်ကြွဆေးပြားထုတ်ရာမှာ အသုံးပြုတဲ့ သံပုံစံခွက် (မိုခွက်) စုစုပေါင်း အစုံ ၂၆၀၊ ဆာလာအိတ် ၄၅ အိတ်မှာ ထည့်ထားတဲ့ စိတ်ကြွဆေး ထုတ်ပိုးရာမှာ အသုံးပြုတဲ့ အပြာရောင်ကပ်ခွာအိတ်နဲ့ အနက်ရောင်ကပ်ခွာ အိတ် ၄၆၀၀၀ ခု၊ 1.5KW မော်တာ ၂ လုံး၊ တုန်ခါရာဘာပိုက် ၁ ချောင်း၊ သံဗန်း ၁ ခုတို့ သိမ်းဆည်းရမိခဲ့တယ်လို့ ရဲတပ်ဖွဲ့က ထုတ်ပြန်ပါတယ်။
စိတ်ကြွဆေးပြားပြုလုပ်တဲ့ ပစ္စည်းတွေကို ဇူလိုင် ၂၁ ရက် မနက်ပိုင်းမှာ မိုင်းလားမြို့ကနေ တဆင့် ဆီလူး-မိုင်းယန်း-မိုင်းခတ်-ကျိုင်းတုံ-တာချီလိတ်မြို့ကို ပို့ဆောင်ပေးဖို့ သယ်ဆောင်လာတာလို့ ဆိုပါတယ်။
ဖမ်းဆီးရမိ ပစ္စည်းတွေနဲ့ ၁၀ ဘီးယာဉ်ပိုင်ရှင် မော်ဖြိုးနဲ့ ယာဉ်မောင်းဖြစ်သူ လုကာ တို့ကို ကျရှီးက ပစ္စည်းသယ်ဆောင်ခ ထိုင်းဘတ်ငွေ ၈ သောင်း ၅ ထောင်နဲ့ ငှားရမ်းခဲ့တယ်လို့ သိရပါတယ်။
မူးယစ်ဆေးဝါးနဲ့ ဆက်စပ်ပစ္စည်းတွေ သယ်ဆောင်လာသူနဲ့ စေခိုင်းသူတွေကို ကျိုင်းတုံမြို့မ ရဲစခန်းက မူး/စိတ် ပုဒ်မ ၁၅/၁၆(ခ)/၁၆(ဂ)/၂၁ အရ အမှုဖွင့်အရေးယူထားတယ်လို့ သိရပါတယ်။
သတင်း - သားသား၊ ဓာတ်ပုံ -SYP
