ကော့သောင်းမြို့ပေါ်ရပ်ကွက်နဲ့ ခမောက်ကြီးမြို့ အခြေခံပညာကျောင်းတွေက ကိုယ်အင်္ဂါမသန်စွမ်းသူ ကျောင်းသား ကျောင်းသူတွေကို ဇူလိုင် ၁၇ ရက်က ကျောင်းသုံး စာရေးကိရိယာတွေ ထောက်ပံ့လှူဒါန်းခဲ့ပါတယ်။
မြန်မာနိုင်ငံ ကိုယ်အင်္ဂါမသန်စွမ်းသူများအသင်း (ကော့သောင်းရုံးခွဲ) ဥက္ကဋ္ဌ ဦးထွန်းဝင်းနဲ့ အလှူရှင်တွေဖြစ်တဲ့ ရွှေမေတ္တာ မော်တော်ယာဉ်လိုင်းမှ ဦးအောင်သန်း၊ ဒေါ်ထွေး မိသားစုနဲ့ ဦးမောင်စိုး၊ ဒေါ်ရှန်းမ မိသားစုတို့က မသန်စွမ်း ကျောင်းသားကျောင်းသူ ၅ ဦးကို တဦးလျှင် ကျောင်းသုံးဗလာစာအုပ် ၄ ဒါဇင်၊ ကွန်ပါဘူး ၁ ဘူး၊ မင်ဖျက်ဆေး ၂ ဘူး၊ ဘောပင် ၁ ဘူးနဲ့ ထီး ၁ လက် စတဲ့ ကျောင်းသုံးပစ္စည်းတွေကို လှူဒါန်းခဲ့တာပါ။
အလှူရှင် ဦးအောင်သန်းက “သူတို့လေးတွေက ကိုယ်အင်္ဂါ မသန်စွမ်းသူတွေဆိုတော့ အများနဲ့ယှဉ်လိုက်ရင် အလိုလို အားငယ်မှုတွေ၊ သိမ်ငယ်မှုတွေ ရှိပါတယ်။ ဒါကို အားပေးတဲ့အနေနဲ့ ပညာရေးမှာ ကြိုးစားစေချင်လို့ နိုင်တဲ့ဘက်ကနေ ကူညီပေးတာပါ။ နောင်လည်း အလျဉ်းသင့်သလို လှူဒါန်းပေးသွားမှာပါ” လို့ ဒီဗွီဘီကို ပြောပါတယ်။
သတင်း - လတ်ကိုကိုဦး
