ဆလုံလူမျိုးတို့ရဲ့ လူနေမှုဘဝကို ဖော်ကျူးမယ့် “ဒီပ” အမည်ရ ရုပ်ရှင်ဇာတ်ကားအတွက် သရုပ်ဆောင်သစ် လျှောက်ထားသူ ၆၅ ဦးရှိပြီလို့ ဒါရိုက်တာက ပြောပါတယ်။
ဒါရိုက်တာ ကျော်ဗိုလ်ဗိုလ်သာမှ ဖန်တီးပုံဖော်မယ့် “ဒီပ” ရုပ်ရှင်ဇာတ်ကားကို တနင်္သာရီတိုင်းဒေသကြီး တောင်ဘက်စွန်း ဆလုံ လူမျိုးတွေ နေထိုင်တဲ့ ဂျလန်းကျွန်းမှာ ရိုက်ကူးမှာဖြစ်ပြီး မြိတ်နဲ့ ထားဝယ် ဒေသခံ အနုပညာရှင်တွေ လာရောက် လျှောက်လွှာ တင်ထားကြတာ ဖြစ်ပါတယ်။
လာမယ့် အောက်တိုဘာမှာ စတင်ရိုက်ကူးမှာ ဖြစ်ပါတယ်။ လျှောက်ထားသူ သရုပ်ဆောင်တွေကို အခုရက်ပိုင်းမှာ လူတွေ့စစ်ဆေး အင်တာဗျူးတွေ ပြုလုပ်နေပြီး လက်တွေ့ သရုပ်ဆောင်တာတွေလည်း ပြုလုပ်နေကြောင်း သိရပါတယ်။
“ဒီပ” ရုပ်ရှင် ဇာတ်ကားကြီးမှာ အမှောင်မှ အလင်း၊ အရိုင်းမှ အယဉ်သို့လည်းကောင်း၊ ပြည့်တန်ဆာ မိခင်ကြီးအား ကျွတ်တန်းဝင်အောင် လမ်းပြ အလင်းရောင်ပေးခဲ့ပုံ၊ ဆလုံတိုင်းရင်းသားများ၏ ရိုးသားမှုကို အခွင့်ကောင်းယူပြီး စီးပွားရေး လုပ်ငန်းရှင်တွေရဲ့ လက်ဝါးကြီးအုပ် အမြတ်ထုတ်ဖိနှိပ်တာ၊ ဘုရားသာသနာတော်နဲ့ ဝေးကွာတဲ့ ဆလုံတိုင်းရင်းသားတွေရဲ့ဘဝကို ဘုရားသနာတော်နဲ့ နီးစပ်အောင် လမ်းပြပေးထားတဲ့ ရုပ်ရှင်ဇာတ်ကားတကား ဖြစ်ကြောင်း သိရပါတယ်။
သတင်း - ဇော်ဇော်(မြိတ်)
