တန်ဖိုးနည်း အိမ်ရာဝယ်ယူဖို့အတွက် ပေးသွင်းရတဲ့ ပထမအရစ် ၃၀ ရာခိုင်နှုန်းကို ၂၀ ရာခိုင်နှုန်းအထိ လျှော့ချသွားဖို့ စီစဉ်နေတယ်လို့ အိမ်ရာဖွံ့ဖြိုးရေးဘဏ်က ပြောကြားလိုက်ပါတယ်။

အိမ်ရာဖွံ့ဖြိုးရေးဘဏ်ရဲ့ အိမ်ရာချေးငွေဌာန လက်ထောက်မန်နေဂျာ ဦးလှမျိုးတင့်က အိမ်ခြံမြေပြပွဲ ၂၀၁၇ သတင်းစာရှင်းလင်းပွဲမှာ သတင်းထောက်တွေကို ပြောကြားခဲ့တာပါ။

လက်ရှိ ပထမအရစ်ကျ ၃၀ ရာခိုင်နှုန်း ပေးသွင်းရတာဟာ မိသားစုဝင်ငွေ သုံးသိန်းအထက်ရှိမှ ဖြစ်နိုင်မယ့် အခြေအနေမျိုးရှိတဲ့အတွက် ၂ သိန်းအောက် မိသားစုတွေ အိမ်ပိုင်ဆိုင်နိုင်ဖို့ စီစဉ်တာဖြစ်တယ်လို့လည်း ပြောပါတယ်။

ဒါပေမယ့် နိုင်ငံတော်အစိုးရနဲ့ အခြားပြည်ပအဖွဲ့အစည်းတွေက ချေးငွေတွေ ရရှိဖို့လိုတယ်လို့လည်း ဆိုပါတယ်။