မကွေးတိုင်းဒေသကြီး စလင်းမြို့မှာ သက်ငယ်မုဒိမ်းမှုကျူးလွန်ခဲ့တဲ့ အမျိုးသားတဦးကို မင်းဘူးခရိုင်တရားရုံးက ပြစ်မှုထင်ရှားတဲ့အတွက် အလုပ်နဲ့ ထောင်ဒဏ် အနှစ် ၂၀ ချမှတ်လိုက် တယ်လို့ ဒီကနေ့ ထုတ်နိုင်ငံပိုင် သတင်းစာမှာဖော်ပြပါတယ်။
စလင်းမြို့နယ် ပရဟိတကျောင်းက အသက် ၁၅ နှစ်အရွယ် ကျောင်းသူတဦးကို အသက် ၄၆ နှစ်အရွယ် ကျော်နိုင်ဦးဆိုသူက ဖြားယောင်းသွေးဆောင်ပြီး အဓမ္မပြုကျင့်ခဲ့ရာမှာ ပြုကျင့်ခံရသူရဲ့ မိခင်က တိုင်ကြားခဲ့လို့ စလင်းရဲစခန်းက ဖမ်းဆီးတရားစွဲဆိုခဲ့တဲ့ အမှုဖြစ်ပါတယ်။
ပြီးခဲ့တဲ့ ၂၀၁၆ သြဂုတ်လ ၁၂ ရက်က ပြစ်မှုကျူးလွန်ခဲ့တာဖြစ်ပြီး စက်တင်ဘာလမှာ တရားစွဲတင်နိုင်ခဲ့ကာ အခုနှစ် မေလ ၂၃၇က်နေ့မှာ ပြစ်မှုထင်ရှားတဲ့အတွက် ကျော်နိုင်ဦးကို အလုပ်နဲ့ ထောင်ဒဏ် နှစ် ၂၀ ပြစ်ဒဏ်အမိန့်ချမှတ်လိုက်တာဖြစ်ပါတယ်။
မြန်မာနိုင်ငံ ရဲတပ်ဖွဲ့အနေနဲ့ သက်ငယ်မုဒိမ်းမှုတွေကို စုံစမ်းပြီး တရားရုံးတွေကို တရားစွဲတင်ပို့ခဲ့ရာမှာ ၂၀၁၆ နိုဝင်ဘာအထိ အမှုပေါင်း ၅၁၇ မှုကို တရားစွဲ တင်ပို့နိုင်ခဲ့ပြီး ၂၀၆ ဦးကို တရားရုံးမှ ပြစ်ဒဏ်တွေ အသီးသီး ချမှတ်ခဲ့တယ်လို့ ပြည်ထဲရေးဒုဝန်ကြီးက လွှတ်တော်မှာ ပြောကြားထားပါတယ်။
