အစ္စရေးသမ္မတက အစိုးရသစ်ဖွဲ့စည်းရန် အိုက်ဇန်ကော့တ်ကို တာဝန်ပေး
အစ္စရေးသမ္မတက ဝန်ကြီးချုပ် ဘင်ဂျမင် နေတန်ယာဟုရဲ့ အဓိကပြိုင်ဘက်ဖြစ်သူ ဂါဒီ အိုက်ဇန်ကော့တ်ကို အစိုးရသစ်ဖွဲ့စည်းဖို့ တာဝန်ပေးလိုက်ပြီးတဲ့နောက် တဲလ်အဗိမြို့နေ ပြည်သူတွေက မျှော်လင့်ချက်နည်းနည်းထားပေမဲ့ သတိနဲ့ စောင့်ကြည့်နေကြတယ်လို့ နိုဝင်ဘာ ၈ ရက်မှာ ပြောပါတယ်။
ရွေးကောက်ပွဲရလဒ်အရ ဘယ်သူ့မှာမှ အာဏာရယူနိုင်မဲ့ ရှင်းလင်းတဲ့လမ်းကြောင်း မရှိတဲ့အတွက် နိုင်ငံရေးအကျပ်အတည်း ဖြစ်နေချိန်မှာ သမ္မတ အိုင်ဇက်ဟာဇော့ဂ်က အိုက်ဇန်ကော့တ်ကို ရွေးချယ်လိုက်လို့ ဒီအကျပ်အတည်းကို ဖြေရှင်းပေးနိုင်လိမ့်မယ်လို့ တဲလ်အဗိမြို့က ပြည်သူတွေက မျှော်လင့်နေကြပါတယ်။
အစ္စရေးနိုင်ငံမှာ သက်တမ်းအရှည်ဆုံး တာဝန်ထမ်းဆောင်ခဲ့တဲ့ ခေါင်းဆောင် နေတန်ယာဟုဟာ အောက်တိုဘာ ၂၇ ရက် ရွေးကောက်ပွဲမှာ ဘာသာရေး-အမျိုးသားရေးဝါဒီ မဟာမိတ်အဖွဲ့က အမတ်နေရာအများစုကို ဆုံးရှုံးခဲ့ရပြီးတဲ့နောက် ရာထူးဆက်တည်မြဲနိုင်ဖို့ ကြိုးပမ်းနေရပါတယ်။
အိုက်ဇန်ကော့တ် အနေနဲ့ အစိုးရဖွဲ့ဖို့ အမတ်နေရာ အနည်းစုနဲ့ ဖွဲ့စည်းခြင်း (ဒါမှမဟုတ်) အရင်က သဘောထားကွဲလွဲခဲ့ဖူးတဲ့ နိုင်ငံရေးပြိုင်ဘက်တွေနဲ့ ပူးပေါင်းဆောင်ရွက်ခြင်း စတဲ့နည်းလမ်းတွေကို သုံးနိုင်ပါတယ်။
အာရပ်ပါတီ ခေါင်းဆောင်တွေက နေတန်ယာဟုနဲ့ သူ့ရဲ့ အစွန်းရောက် အမျိုးသားရေးဝါဒီ မဟာမိတ်တွေရဲ့ လူမျိုးရေးခွဲခြားတဲ့ မူဝါဒတွေလို့ သူတို့ယူဆထားတဲ့အချက်အပေါ် အလွန်အမင်း မကျေမနပ် ဖြစ်နေကြတာပါ။
သူတို့က သမ္မတဆီ အိုက်ဇန်ကော့တ်ကို အစိုးရဖွဲ့စည်းခိုင်းဖို့ အဆိုပြုခဲ့ကြပြီး အများဆုံး ထောက်ခံမှုပေးခဲ့သူတွေလည်း ဖြစ်နေလို့ အိုက်ဇန်ကော့တ်ကို ဆက်ထောက်ခံနိုင်နေပါတယ်။
အိုက်ဇန်ကော့တ်ကို ရွေးချယ်လိုက်ပြီးတဲ့နောက် သီတင်းပတ် အများကြီးကြာမဲ့ ညှိနှိုင်းဆွေးနွေးမှုတွေ ပေါ်ပေါက်လာနိုင်ပါတယ်။
သူဟာ အစိုးရဖွဲ့ဖို့ ၂၈ ရက် အချိန်ရမှာဖြစ်ပြီး လိုအပ်ရင် နောက်ထပ် ၁၄ ရက် ထပ်တိုးမြှင့်ခွင့် ရနိုင်ပါတယ်။
တကယ်လို့ သူ့အနေနဲ့ အစိုးရဖွဲ့တာ မအောင်မြင်ရင် သမ္မတ ဟာဇော့ဂ်က အစိုးရဖွဲ့ဖို့တာဝန်ကို နေတန်ယာဟုဆီ လွှဲပြောင်းပေးနိုင်ပါတယ်။
Source: Reuters











