ရှမ်းမြောက် လားရှိုး-သိန္နီကြားရှိ ရေပူအမြဲတမ်းစစ်ဆေးရေးစခန်းမှာ တရားမဝင်သစ်တွေနဲ့ မူးယစ်ဆေးဝါးတွေ ဖမ်းဆီးမိခဲ့တယ်လို့ ရေပူ အကောင်ခွန်ဒုညွှန်ကြားရေးမှူး ဦးတက်ထွန်းအောင်က ပြောပါတယ်။
“ သစ်တွေကတော့ အများကြီး မဟုတ်ပါဘူး၊ အတိုလေးတွေပါ။ သစ်က sufe တစီးရယ်၊ မှန်လုံနဲ့ တင်လာတဲ့ တစီးရယ်၊ probox တစီးရယ် စုစုပေါင်း သုံးစီးမိတယ်။ မူးယစ်ဆေးဝါးကတော့ ဆိုင်ကယ်နဲ့မိတာ၊ ဒီမနက် ၁၀ နာရီခွဲလောက်မှာပေါ့။ အဲမူးယစ်ဆေးဝါးတွေက ယာဘဆေးပြားတွေပါတယ်။ အလုံးရေတော့ မသိရသေးဘူး။ သိပ်တော့ များပါဘူး။ မူးယစ်ဆေးဝါးက တစ်ယောက်။ သစ်ကား ၃ စီးဆိုတော့ ၃ ယောက်ပေါ့ ဖမ်းမိတယ်” လို့ ပြောပါတယ်။
လက်ရှိ ဖမ်းဆီးရမိတဲ့ လူ ၄ ဦးကို သိန္နီရဲစခန်းမှာ သွားရောက် အပ်နှံမှာဖြစ်ပြီး ဖမ်းဆီးရမိတဲ့ သစ်တွေကိုလည်း သစ်တောဦးစီးဌာနကို ပို့သွားမယ်လို့ ဆိုပါတယ်။
ရေပူစစ်ဆေးရေးစခန်ကို ဇန်နဝါရီ ၁၆ ရက်နေ့က စတင်ဖွင့်လှစ်ပြီးနောက် လက်ရှိအချိန်ထိ ဖမ်းဆီးရမိတဲ့ တရားမဝင်ပစ္စည်းတန်ဖိုးပေါင်း ကျပ်သိန်း ၃ သောင်းခွဲဝန်းကျင်ရှိပြီလို့ သိရပါတယ်။
နိုင်နိုင်
ဓာတ်ပုံ- ရေပူအမြဲတမ်းစစ်ဆေးရေးစခန်း
