ကော့သောင်းမြို့မှာ မြန်မာ နှစ်ဆန်းတစ်ရက်နေ့မှာ ဇီဝိတဒါနငါးလွှတ်ပွဲနဲ့ သက်ကြီးပူဇော်ကန်တော့ပွဲ ကျင်းပပြုလုပ်ခဲ့ပါတယ်။
ငါးလွှတ်ပွဲကို ကော့သောင်းမြို့ မြို့မဆိပ်ကမ်းတံတားမှာ ဒီနေ့မနက်ပိုင်းက ပြုလုပ်ခဲ့တာဖြစ်ပြီး ကော့သောင်းခရိုင်/မြို့နယ် တာဝန်ရှိသူတွေနဲ့ အသင်းအဖွဲ့တွေ တက်ရောက်ခဲ့ကြပါတယ်။
အခမ်းအနား လာရောက်သူတွေက ရေငန်ငါးတွေဖြစ်ကြတဲ့ ကျောက်ငါး၊ ကကတစ်ငါး၊ ကကပေါင်းငါးနဲ့ ကဏန်းတွေကို အသီးသီး ဇီဝိတ ဒါနအဖြစ် ကုသိုလ်ယူ ပင်လယ်အတွင်း ဘေးမဲ့ လွှတ်ပေးကြပါတယ်။
ဒါ့အပြင် မြန်မာ့နှစ်ဆန်း ၁ ရက်နေ့ ကုသိုလ်ဒါနအဖြစ် သက်ကြီးဘိုးဘွားတွေ ပူဇော် ကန်တော့ပွဲကို ပြည်တော်အေး သာသနာ့ဗိမာန်တော်မှာ ကျင်းပပြုလုပ်ခဲ့ပါတယ်။
တိုင်းဒေသကြီး အစိုးရအဖွဲ့ဝင် သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး၊ လွှတ်တော်အမတ်တွေ၊ ခရိုင်တာဝန်ရှိသူတွေနဲ့ ရပ်မိရပ်ဖတွေက သက်ကြီးဘိုးဘွား ၁၃၈ ဦးကို အလှူငွေနဲ့ လှူဖွယ်ပစ္စည်းတွေ လှူဒါန်းခဲ့ကြပြီး ပြည်သူ့ကျန်းမာရေးဌာနမှ ဝန်ထမ်းတွေကလည်း သက်ကြီးဘိုးဘွားတွေကို ကျန်းမာရေးစစ်ဆေးပြုစုစောင့်ရှောက်မှု ဒါနပြုခဲ့ကြတယ်လို့ သိရပါတယ်။
သတင်း၊ဓာတ်ပုံ - လတ်ကိုဦး
