ဒီနေ့ကျင်းပပြုလုပ်ခဲ့တဲ့ ကြားဖြတ်ရွေးကောက်ပွဲရလာဒ်များကို ဒီနေ့ည ၉နာရီမှာ ၁ ကြိမ်နဲ့ ည ၁၁ နာရီမှာ ၁ ကြိမ် ကြေညာပေးမယ်လို့ ပြည်ထောင်စုရွေးကောက်ပွဲကော်မရှင်ရုံးညွှန်ကြားရေးမှူးချုပ် ဦးတင်ထွန်းက ပြောပါတယ်။

“ည ၉ နာရီလောက်တော့ ကြေညာနိုင်မယ်လို့ ယူဆပြီးတော့ ကြေညာပေးမယ်လို့တော့ သတင်းထုတ်ပြန်ထားပါတယ်။ စကိုင်းနက်နဲ့ မြန်မာ့ရုပ်မြင်သံကြားကနေ လိုက်ဖ် လွှင့်ပေးပါလိမ့်မယ်၊ ည ၉ နာရီတကြိမ်၊ ၁၁ နာရီ တကြိမ်။”

လွှတ်တော်ကိုယ်စားလှယ် နေရာလစ်လပ်နေတဲ့  မဲဆန္ဒနယ် (၁၉) နယ်အတွက် ကြားဖြတ်ရွေးကောက်ပွဲတွေကို ဒီကနေ့မနက်က မြို့နယ် ၂၂ ခုမှာ ကျင်းပခဲ့တာ ဖြစ်ပါတယ်။