ကမ္ဘာကျော်ပေါ့ပ်အဆိုတော် ရှာကီယာဟာ ငလျင်ဘေးသင့် ကိုလံဘီယာနိုင်ငံ ချိုကိုဒေသကို သွားခဲ့ပြီး စာသင်ကျောင်းတွေ ပြန်လည်တည်ဆောက်ရေးကို ကူညီပေးမယ်လို့ ကတိပြုခဲ့ပါတယ်။
ကိုလံဘီယာအဆိုတော် ရှာကီယာဟာ ချိုကိုမှာ ကျောင်းအသစ် ၁၀ ကျောင်း ဆောက်လုပ်ပေးမယ်လို့ ပြောပါတယ်။
ရှာကီယာဟာ ခြေဗလာဆိုတဲ့ ဖောင်ဒေးရှင်းတခုကို ၁၉၉၇ ခုနှစ်က တည်ထောင်ခဲ့ပြီး အဲဒီဖောင်ဒေးရှင်းက ငလျင်ဘေးသင့်ဒေသ တည်ဆောက်ရေးကို ကူညီပေးမှာပါ။
ရှာကီယာရဲ့ ဖောင်ဒေးရှင်းကို အမေရိကန်စီးပွားရေးသမားဖြစ်တဲ့ ဟောင်းဝပ် ဝါရှင်းဘတ်ဖက် ကလည်း အကူအညီ ပေးနေပါတယ်။
ရှာကီယာဟာ အသက် ၁၈ နှစ်အရွယ်ကတည်းက ဒီဖောင်ဒေးရှင်းကို တည်ထောင်ခဲ့ပြီး ပညာရေး၊ အာဟာရ၊ ကလေးငယ်တွေအတွက် စိတ်ဓာတ်မြှင့်တင်ရေးတွေ လုပ်ဆောင်ဖို့ ရည်ရွယ်ခဲ့တာပါ။
ချိုကိုဟာ ကိုလံဘီယာနိုင်ငံရဲ့ အဆင်းရဲဆုံး ဒေသထဲက တခုဖြစ်ပါတယ်။ ငလျင်ဘေးသင့်ဒေသတွေကို ကူညီဖို့ ကနေဒါ၊ ဗြိတိန်၊ ဂျပန်နိုင်ငံ အစိုးရတွေကိုလည်း ရှာကီယာက အကူအညီ တောင်းခံထားပါတယ်။
ကိုလံဘီယာမှာ ပြီးခဲ့တဲ့အပတ်က ပြင်းအားပမာဏ ၇ ဒသမ ၄ ရှိ ငလျင်လှုပ်ခတ်ခဲ့လို့ လူ ၂၈၀ သေဆုံးခဲ့ကာ လူ ၄,၀၀၀ ကျော် ဒဏ်ရာရခဲ့ပြီး ၁၄၃ ယောက် ပျောက်ဆုံးနေဆဲ ဖြစ်ပါတယ်။
ကိုလံဘီယာနိုင်ငံဟာ ငလျင်ဒဏ်ကြောင့် ပျက်စီးဆုံးရှုံးမှု ဒေါ်လာ ၉ ဒသမ ၅၈ ဘီလီယံ ရှိတယ်လို့ သမ္မတ အက်ပရဲလားက ပြောပါတယ်။
