မတ်လ ၁၄ ရက်နေ့မှာ ကျရောက်တဲ့ အပြည်ပြည်ဆိုင်ရာ မြစ်ချောင်းများနေ့မှာ သံလွင်မြစ်ကြီး အမြဲရှင်သန်စွာ စီးဆင်းဖို့အတွက် ရေမျောလှုပ်ရှားမှုကို ရှမ်းပြည်နယ်တောင်ပိုင်း ကွန်းဟိန်းမြို့နယ်တွင်းရှိ သံလွင်မြစ်ကမ်းဘေးမှာ ပြုလုပ်ခဲ့ပါတယ်။

လွိုင်လင်ခရိုင်၊ ကွန်းဟိန်းမြို့နယ်၊ တာကော်တံတား အထက်ပိုင်းရှိ သံလွင်မြစ်ကမ်းဘေးမှာ ရှမ်းပြည်တောင်ပိုင်းရှိ သံလွင်သားချင်းများအဖွဲ့က သံလွင်မြစ်ရေ အမြဲရှင်သန်စွာ စီးဆင်းဖို့အတွက် မြန်မာ၊ ရှမ်း၊ အင်္ဂလိပ်၊ တရုတ်စာတွေနဲ့ ရေးထားတဲ့ ‘ငြိမ်းချမ်းပါစေ သံလွင်မြေ၊ စီးဆင်းပါစေ သံလွင်ရေ’ စာသားတွေကို သံလွင်မြစ်အတွင်း ဖောင်တွေနဲ့ မျှောလွှတ်ခဲ့ပါတယ်။

အခုအစီအစဉ်ကို သံလွင်မြစ်ဘေးရှိ တိုင်းရင်သားကျေးရွာတွေက ရွာသူရွာသားတွေ သံလွင်သားချင်းများအဖွဲ့က စုစုပေါင်းလူဦးရေ ၃၀၀ ခန့် ပါဝင်ခဲ့ပါတယ်။