ဧရာဝတီတိုင်းဒေသကြီး၊ အိုးပုတ်ကုန်းအုပ်စု၊ ထန်ပင်ကုန်းရွာတွင် ပိုက်ဆံတောင်းရာ မပေးလို့ သမီးဖြစ်သူက မိခင်ကို လည်ပင်းညှစ်သတ်မှု ဖေဖော်ဝါရီ ၂၂ ရက်က ဖြစ်ပွားခဲ့ပါတယ်။
ဒေါ်သန်း ၇၃ နှစ်ကို သမီးဖြစ်သူ အသက် ၃၈ နှစ်ရှိ ဒေါ်စန်းစန်းဌေး က ငွေ ၁၅၀၀၀ ကျပ်ပေး ရန်တောင်းရာ မိခင်ဖြစ်သူက မပေးလို့ လည်ပင်းညှစ်သတ်ခဲ့ပြီး အလောင်းကို တရားခံ ဒေါ်စန်းစန်းဌေးက တိပ်တွေနဲ့ပတ်ပြီး နေအိမ် အနောက်ဘက်က အိမ်သာကျင်းပျက်ထဲကို ချပြီး ဝါးရွက်တွေနဲ့ ဖုံးအုပ် ထားခဲ့ပါတယ်။
မတ်လ ၃ ရက်နေ့မှာ နေအိမ်နံဘေးက ဦးဝင်းမောင်က ပုတ်ဆော်နံလို့ ဆယ်အိမ်မှူးနဲ့ ရာအိမ်မှူးတို့ကိုအကြောင်းကြားပြီး ရှာဖွေခဲ့ရာ အသုံးမပြုတော့တဲ့ အိမ်သာကျဉ်းထဲမှာ မသင်္ကာစရာ အထုပ်တထုပ်တွေ့လို့ မြန်အောင်မြို့မစခန်းကို အကြောင်းကြားခဲ့ပြီး ရဲစခန်းက အလောင်းကို စစ်ဆေးပြီး တရားခံဖမ်းဆီးရမိရေးအတွက် ဆောင်ရွက်ခဲ့ပါတယ်။
တရားခံ ဒေါ်စန်းစန်းဌေးကို ပဲခူးတိုင်း၊ မိုးညိုမြို့နယ်မှာ မတ်လ ၄ ရက်က ဖမ်းဆီးရမိခဲ့ပြီး မြန်အောင်မြို့မ စခန်းက (ပ) ၃၇/၂၀၁၇၊ ရာဇာသတ်ကြီးဥပဒေ ပုဒ်မ-၃၀၂/၂၀၁ အရ အမှုဖွင့်ဖမ်းဆီးစစ်ဆေးနေကြောင်း ဒီဗွီဘီ ကို ပြောပါတယ်။
သတင်း-သန်းထိုက်မြင့်၊ ဓာတ်ပုံ-ကိုကိုဦး(ရဲသစ္စာ)
