ကျွမ်းကျင်လုပ်သားရရှိဖို့ လုပ်သားကျွမ်းကျင် သင်တန်းပေးတာတွေကို ရန်ကုန်မြို့အပြင် မန္တလေးမြို့နဲ့ တခြားမြို့ကြီးတွေမှာပါ သင်တန်းတွေ ဖွင့်လှစ်သွားမယ်လို့ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အမြဲတမ်းအတွင်းဝန်ဦးမျိုးအောင်က ပြောပါတယ်။

ကျွမ်းကျင်မှုဖွံ့ဖြိုးတိုးတက်ရေးနဲ့ ပုဂ္ဂလိကဏ္ဍ ပူးပေါင်း ဆောင်ရွက်မှု အားကောင်းလာစေဖို့ ဖေဖော်ဝါရီ ၂၆ ရက်က UMFCCI အသင်း ချုပ်မှာပြုလုပ်တဲ့ ဆွေးနွေးပွဲမှာ ပြောဆိုခဲ့တာပါ။

အလုပ်သမားဝန်ကြီးဌာနက ဦးစီးပြီး ပြုလုပ်ပေးနေတဲ့ လုပ်သားကျွမ်းကျင်မှု အသက်မွေးဝမ်းကျောင်း သင်တန်းတွေကို နိုင်ငံတကာကအကူအညီနဲ့ ဆောင်ရွက်နေတာဖြစ်ပြီး၊ မြန်မာနိုင်ငံမှာ အသက် ၅ နှစ်က နေ ၁၇ နှစ်အတွင်း ကျောင်းမနေဘဲ အလုပ်လုပ်ကိုင်နေတဲ့ ကလေးလုပ်သား(၁)သန်းခွဲလောက်ရှိနေတယ်လို့ ဆွေးနွေးပွဲမှာ ပြောဆိုခဲ့ပါတယ်။