ကချင်အမျိုးသားညီလာခံ ကျင်းပနေတဲ့ မြစ်ကြီးနားမြို့ မနောကွင်းကို ရဲတပ်ဖွဲ့တွေ အင်အားအများအပြားနဲ့ ဒီနေ့မနက် ၈ နာရီလောက်ကတည်းက လာရောက်စီးနင်း ပိတ်ပင်ထားလိုက်ပါတယ်။
ဒီကနေ့ ဖေဖော်ဝါရီ ၁၆ နဲ့ ၁၇ ရက်နေ့တွေမှာ စတင်ကျင်းပနေတဲ့ ကချင်အမျိုးသားညီလာခံကျင်းပရာ ခန်းမထဲကို ရောက်နေတဲ့သူတွေ အပြင်ထွက်လို့မရသလို အပြင်မှာရှိနေသူတွေလည်း အထဲဝင်မရ ဖြစ်နေတယ်လို့ မနောကွင်းရှေ့ ပိတ်ခံရတဲ့ ကချင်ငြိမ်းချမ်းရေးကွန်ရက်မှ ဒေါ်ခွန်ဂျာက ပြောပါတယ်။
“ကျမတို့ ဝင်းပေါက်ဝကိုလည်း ပိတ်ထားလိုက်တယ်။ လုပ်မယ့် မကြွယ်ခန်းမကိုလည်း တံခါးပေါက်ကို ပိတ်ထားလိုက်တော့ ကျမတို့ ဝင်းထဲမှာ အယောက် ၂၀၀ လောက် ပိတ်မိနေတယ်ရှင်။ အပြင်မှာလည်း ညီလာခံလာတက်ဖို့ လာတဲ့ဧည့်သည်တွေလည်း မဝင်ရဘူးပေါ့။ ၈ နာရီခွဲလောက်မှာ ပိတ်လိုက်တဲ့အခါကျတော့ ဝင်းထဲဝင်းပြင် ၂ ဖွဲ့ကွဲနေတယ်ရှင်။ တချို့ခေါင်းဆောင်တွေကိုတော့ ဝင်ခွင့်ပြုလိုက်တယ်။ အခု ကျင်းပရေးကော်မတီတွေ အစည်းအဝေးလုပ်နေပါတယ်ရှင်။”
ကချင်အမျိုးသားညီလာခံကို ကချင်လူမျိုးတွေရဲ့ အမြင့်ဆုံးအဖွဲ့အစည်းဖြစ်တဲ့ ကချင်အတိုင်ပင်ခံအဖွဲ့ကနေ ဦးဆောင်ကျင်းပတာဖြစ်ပြီး ဒီညီလာခံဟာ ၂၁ ရာစု ပင်လုံညီလာခံအတွက် အကြိုပြင်ဆင်ရေးဖြစ်သလို ၂၁ ရာစု ပင်လုံတက်ဖို့ လူရွေးချယ်ဖို့ စီစဉ်ထားတဲ့ပွဲ ဖြစ်တယ်လို့လည်း ဒေါ်ခွန်ဂျာက ပြောပါတယ်။
ဒီညီလာခံကျင်းပမယ့် မကြွယ်ခန်းမကို အစိုးရတာဝန်ရှိသူတွေ ခွင့်မပြုဘူးလို့ လွန်ခဲ့တဲ့ ရက်ပိုင်းက ပြောဆိုပြီး အခု ကွင်းတခုလုံးကို ပိတ်လိုက်တာလို့လည်း ပြောပါတယ်။
“ခွင့်မပြုဘူးဆိုတာ ညီလာခံမလုပ်နဲ့တော့လို့ မပြောဘူး။ ဒါပေမယ့် ညီလာခံလုပ်မယ့် ဒီကွင်းကို ဝင်စီးလိုက်တဲ့ သဘောဖြစ်တယ်။ ကျမတို့ကတော့ မနေ့ နေ့လယ်အထိကတော့ အဆင်ပြေလို့ ကျမတို့ လုပ်ဖို့အတွက် ကျမလည်း ရန်ကုန်ကနေ တက်လာတာပါ။ ကျမတို့ ရန်ကုန်က ကိုယ်စားလှယ်တောင်မှ အားလုံးပေါင်း ၅၀ လောက်ရှိပါတယ်။ မကြွယ်ခန်းမကို လောလောဆယ် ခွင့်မပြုဘူး၊ ဒါပေမယ့် လောလောဆယ် ဝင်းထဲကိုလည်း ဝင်ခွင့်မပြုဘူးဖြစ်တယ်။”
ဒီညီလာခံတက်ဖို့ မြန်မာနိုင်ငံ ဒေသအသီးသီးက ကချင်အမျိုးသားကိုယ်စားလှယ် ၆၀၀ ကို ဖိတ်ကြားထားပြီး ကွင်းထဲမှာ၂၀၀ လောက် ရောက်ရှိနေတာ ဖြစ်ပါတယ်။
