တနင်္သာရီတိုင်းဒေသကြီး၊ မြိတ်မြို့နယ်၊ မြိတ်တောင်နယ်မြေ ဘုရားကိုင် ဘုန်းကြီးကျောင်းဝင်း တောင်ပေါ်မှာ ရေဘောက်ဆာကားတစီး တိမ်းမှောက်မှုတခု ဖြစ်ပွားခဲ့ပါတယ်။

ဖြစ်စဉ်မှာ ယာဉ်မောင်း ဇာနည် မောင်းနှင်လာတဲ့ 2A/4519၊ TOYOTA ဒိုင်နာအမျိုးအစား၊ ရေဂါလန် ၈၀၀ ဆံ့ ရေသယ်ယာဉ်ကို ရေအပြည့်နဲ့ ဘုရားကိုင်တောင်ပေါ်ရှိ ဘုန်းကြီး ကျောင်းကို ရေပို့ဖို့အသွား ကုန်းအတက်မှာ နောက်ပြန်လိမ့်ကျတိမ်းမှောက်ခဲ့တာဖြစ်ပြီး ထိခိုက်ဒဏ်ရာ ရရှိမှု မရှိဘူးလို့ သိရပါတယ်။

ယာဉ်မဆင်မခြင် မောင်းနှင်သူ ဇာနည် ကို မြိတ်မြို့မရဲစခန်းမှ ယာဉ်(ပ)၁၆/ ၂၀၁၇၊ ရာဇသတ်ကြီးပုဒ်မ ၂၇၉ အရ အမှုဖွင့် အရေးယူထားကြောင်း သိရပါတယ်။

ဇော်ဇော်(မြိတ်)