ကချင်ပြည်နယ်အတွင်း စစ်မက်ဖြစ်ပွားပြီး စစ်ဘေးဒုက္ခရောက်နေချိန်မှာ မြစ်ကြီးနားမြို့ပေါ် ဗိုလ်ချုပ်အောင်ဆန်းကြေးရုပ်စိုက်ထူရေးထက် ဗိုလ်ချုပ်ရဲ့ ပင်လုံကတိက၀တ်ကို ဦးစားပေး အကောင်အထည်ဖော်ဆောင်ရွက်ပေးဖို့ ကချင်ပြည်နိုင်ငံရေးပါတီက ကန့်ကွက်တောင်းဆို လိုက်ပါ တယ်။
ကချင်နိုင်ငံရေးပါတီများ ညှိနှိုင်းပူးပေါင်းဆောင်ရွက်ရေးကော်မတီအနေနဲ့ ဖေဖော်ဝါရီ ၆ ရက်နေ့ ရက်စွဲနဲ့ ကချင်ပြည်နယ်ဝန်ကြီးချုပ်ဆီ စာရေးသားပေးပို့ကန်ကွက်ခဲ့တာဖြစ်ပါတယ်။
မြစ်ကြီးနားမြို့ ပြည်ထောင်စုလမ်းမကြီးရှိ မြို့လယ်နာရီစင်နဲ့ စိမ်းမြဧရာဥယျဉ်အကြား မြေကွက်လပ်မှာ လူတစုက ဗိုလ်ချုပ်အောင်ဆန်းကြေးရုပ်စိုက်ထူဖို့ လုပ်ဆောင်နေကြောင်းနဲ့ ဒီအချိန်ဟာ ကြေးရုပ် စိုက်ထူခြင်းထက် ဗိုလ်ချုပ်ရဲ့ ကတိပြုခဲ့တဲ့ ပင်လုံစာချုပ်ပါကတိကို အကောင်အ ထည်ဖော်သင့်တယ်လို့ ကချင်ဒီမိုကရေစီပါတီ အတွင်းရေးမှူးအဖွဲ့ဝင် ဂျော်ဆန်နော်ကပြောပါတယ်။
“အဓိကကတော့ ကျနော်တို့ လူထုရဲ့ ဆန္ဒသဘောထားကို တင်ပြတာပါ။ လက်ရှိအခြေအနေမှာ တကယ် ဦးစားပေးပြီးလူထုလိုအပ်တာက ငြိမ်းချမ်းရေးဖြစ်တယ်။ နောက်တခုကတော့ ဗိုလ်ချုပ်ရဲ့ ကတိက၀တ်ပေါ့။ ပင်လုံစာချုပ်အရ လွတ်လပ်မှုနဲ့တန်းတူမှုကို ပုံဆောင်တဲ့ ဖက်ဒရယ်ပြည်ထောင်စုကို ဦးစားပေးလုပ် ဆောင်ပြီး လုပ်ဆောင်ဖို့လိုတယ်ဆိုတဲ့အနေအထားကို ကျန်ာတို့ တင်ပြတာပါ။ ဗိုလ်ချုပ်ကြေးရုပ်ကိုကို စိုက်ထူဖို့အချိန်က သိပ်ပြီးစောလွန်းတယ်လို့မြင်တယ်။ နောက်တခုက စစ်ပွဲတွေ၊ တိုက်ပွဲတွေနဲ့ လူထုက တော်တော်လေးခံစားရတဲ့အခြေအနေမှာကတော့ အခုနလိုမျိုး လူထုသဘောထားအနေအထားနဲ့ မကိုက်သေးတဲ့အချိန်ကာလပေါ့။ လက်ရှိနိုင်ငံရေး အခြေအနေ ကာလမှာပေါ့။”
ဗိုလ်ချုပ်အောင်ဆန်း ကတိပြုခဲ့တဲ့ ပင်လုံစာချုပ်ပါကတိက၀တ်တွေ အကောင်အထည်ဖော်ပြီးတဲ့ အချိန်ကျမှ ဗိုလ်ချုပ်ကြေးရုပ်စိုက်ထူရေးကိစ္စကို စီမံဆောင်ရွက်ဖို့လည်း စာမှာဖော်ပြထားပါတယ်။
ကချင်ပြည်နိုင်ငံရေးပါတီများ ညှိနှိုင်းပူးပေါင်းဆောင်ရွက်ရေးကော်မတီဟာ ကချင်နိုင်ငံရေးပါတီ ၄ ခုဖြစ်တဲ့ ကချင်ဒီမိုကရက်တစ်ပါတီ၊ ကချင်ဒီမိုကရေစီပါတီ၊ ကချင်အမျိုးသားကွန်ကရက်ပါတီနဲ့ လော်ဝေါ် အမျိုးသားစည်းလုံးညီညွတ်ရေးနဲ့ ဖွံ့ဖြိုးရေးပါတီတို့နဲ့ ဖွဲ့စည်းထားပါတယ်။
