ဧရာဝတီတိုင်း မအူပင်မြို့ မအူပင်တံတားအောက်မှာ ဒီကနေ့မနက်က အ၀တ်မပါ အမျိုးသမီး တဦး အလောင်းတလောင်း တွေ့ရှိခဲ့တယ်လို့ ဒေသခံတဦးက ပြောပါတယ်။
ဒီကနေ့မနက် ၉ နာရီလောက်က မအူပင်တံတားအောက် အလယ်တိုင်အုတ်ခုံပေါ်မှာ အ၀တ် အစားမပါ လူသေအလောင်း တလောင်းကို တွေ့မြင်ခဲ့လို့ ဓာတ်ပုံရိုက်ပြီး သက်ဆိုင်ရာကို အကြောင်းကြားခဲ့တယ်လို့ မအူပင်ဒေသခံ ကိုကျော်လွှားက ဒီဗွီဘီကို ပြောပါ တယ်။
“အဲဒီတံတားအောက် အုတ်ခုံပေါ်မှာ အမျိုးသမီးတယောက် သေနေတယ်လို့ ကျနော့်အသိတွေက ပြောလို့ ကျနော်လည်း စက်လှေသမ္မန်စီးပြီး သွားကြည့်တာ၊ ကြည့်ပြီး ဓာတ်ပုံ ရိုက်ပြီး သက်ဆိုင်ရာ အဖွဲ့အစည်းတွေကို အကြောင်းကြားခဲ့တယ်။ ရဲတွေ၊ မြို့နယ်မှူးတွေက မနက် ၁၀ နာရီလောက်မှာ ရောက်လာတယ်။ သက်ဆိုင်ရာက မလာခင် ကျနော်လည်း အဝေးကနေပဲ ကြည့် ပါတယ်။ နောက်မှ တာဝန်ရှိသူတွေရောက်လာတော့ အနီးနားသွားကြည့်တာ၊ အသက်က ကျနော့် အထင် လေးဆယ်ကျော်နဲ့ ငါးဆယ်ကြားမှာ ရှိမယ်။ မျက်နှာက ကောင်းကောင်းမမြင်ရဘူး၊ သူက တံတားအပေါ်ကနေ အောက်ကိုပြုတ်ကျလာတဲ့ ပုံစံပဲ၊ ဒါပေမယ့် အ၀တ်အစားက မပါဘူး အခုလောလောဆယ်တော့ စခန်းမှူးနဲ့ မြို့နယ်မှူးတွေက သေသူဟာ တံတားပေါ်က ဘယ်လိုကျလာသလဲဆိုတာကို စစ်ဆေးနေကြပါတယ်ခင်ဗျ။”
ဒီကိစ္စနဲ့ ပတ်သက်ပြီး ဒီဗွီဘီက မအူပင်မြို့နယ် ရဲမှူးကို ဆက်သွယ်မေးမြန်းရာမှာ လောလောဆယ် အမှုအတွက် ကြေးနန်းတင်ဖို့ ဆောင်ရွက်နေလို့ ဖြေကြားနိုင်ခြင်းမရှိကြောင်း၊ ဘယ်အချိန် ပြန်ဆက်သွယ်နိုင်မလဲဆိုတာလည်း ပြောလို့မရဘူးလို့ ဆိုပါတယ်။
အလားတူ မြို့နယ်မှူးနဲ့ ဆက်သွယ်မေးမြန်းလို့လည်း မရသေးပါဘူး။
