ရှမ်းပြည်နယ် တောင်ပိုင်း ပင်လုံမြို့မှာ ကျင်းပပြုလုပ်မယ့် ပြည်ထောင်စုနေ့ အခမ်းအနားကို နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် တက်ရောက်မယ်လို့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အဖွဲ့ဝင် ဦးဝင်းထိန်က ပြောပါတယ်။
“အခုကြားတာက ၁၂ ရက်နေ့မှာ ဒေါ်အောင်ဆန်းစုကြည်က အစိုးရအဖွဲ့တွေနဲ့ ပြည်ထောင်စုနေ့အခမ်းအနား တက်မယ်။ ဒါ ပါတီ ဥက္က}အနေနဲ့ တက်တာမဟုတ်ဘူး။ အခမ်းအနားပြီးသွားတော့မှ ပါတီလူငယ်တွေက ၁၂ ရက်နေ့လုပ်မယ်၊ ၁၃ ရက်နေ့လုပ်မယ်။ ဒါကတော့ နှစ်တိုင်းလုပ်နေကြ။ ဒါက တတိယနှစ်” လို့ ဦးဝင်းထိန်က ပြောပါတယ်။
၂၀၁၇ ခုနှစ် ပြည်ထောင်စုနေ့အခမ်းအနားတွေကို နေပြည်တော် MICC 2 နဲ့ ပင်လုံမြို့တို့မှာ ပြုလုပ်မှာဖြစ်ပြီး နိုင်ငံတော်အကြီးအကဲတွေ တက်ရောက်ကြမှာဖြစ်ပါတယ်။ အခြားမြို့တွေတွင်လည်း အထိမ်းအမှတ် အခမ်းအနား ပြုလုပ်မယ်လို့ သိရပါတယ်။
ပြည်ထောင်စုနေ့မှာ နိုင်ငံတော် သမ္မတ အိမ်တော်မှာလည်း ညစာစားပွဲ ပြုလုပ်သွားမှာဖြစ်ကြောင်း၊ ပင်လုံမြို့မှာ ဖေဖော်ဝါရီ ၁၃ ရက်နေ့ (ဗိုလ်ချုပ်အောင်ဆန်းမွေးနေ့) မှာ အားကစားပြိုင်ပွဲတွေ၊ ပျော်ပွဲရွှင်ပွဲတွေ၊ ဗိုလ်ချုပ်အောင်ဆန်းနဲ့ ပတ်သက်တဲ့ ကြာပန်းစကားပြောပြိုင်ပွဲတွေ ကျင်းပပြုလုပ်သွားမယ်လို့ သိရှိ်ရပါတယ်။
