ဒဂုံဆိပ်ကမ်းမြို့နယ် ၆၇-ရပ်ကွက်၊ ၆၀-ရပ်ကွက်နဲ့ ၆၁-ရပ်ကွက်က ကျူးကျော်စာရင်းတွေကို ဒီဇင်ဘာလ ၂၆ ရက်နေ့က ရာဇဂြိုဟ်ဘုန်းတော်ကြီးပညာသင်ကျောင်းမှာ စတင်ကောက်ယူနေ ပါတယ်။

အဲဒီရပ်ကွက်တွေမှာ ပထမနေ့အဖြစ် ၆၇-ရပ်ကွက်က လူဦးရေ ၃၀၀ နဲ့ ၆၀-ရပ်ကွက်၊ ၆၁-ရပ်ကွက်က လူဦးရေ ၃၀၀ ကို စာရင်းအဖွဲ့နှစ်ဖွဲ့ကနေ ကောက်ယူနေတာပါ။

၆၇-ရပ်ကွက်မှာ စာရင်းကောက်ယူဖို့ လူဦးရေ ၄၄၀၀ ခန့်ရှိပြီး၊ ဒဂုံဆိပ်ကမ်းမြို့နယ်ရဲ့ ကျူးကျော်နေအိမ် အများဆုံးရပ်ကွက်လည်း ဖြစ်ပါတယ်။

စာရင်းကောက်ယူရာမှာ လက်ရှိနေထိုင်သူတွေကိုသာ စာရင်းပြုစုကောက်ယူတာဖြစ်ပြီး ၆၇-ရပ်ကွက်မှာ ကိုယ်တိုင်နေထိုင်သူ အိမ်ရှင် ၃၀၀၀ ကျော်နဲ့ အိမ်ငှား ၁၀၀၀ ကျော်ပါဝင်တယ်လို့ ၆၇-ရပ်ကွက် အုပ်ချုပ်ရေးမှူးဦးနှင်းအောင်ဇော်က ပြောပါတယ်။

သတင်း - စိုးမိုးအောင်