စားသုံးသူကာကွယ်ရေး ဥပဒေကြမ်းအသစ် ပြဋ္ဌာန်းနိုင်ဖို့ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာန၊ စားသုံးသူကာကွယ်ရေးအသင်းတွေ၊ စီးပွားရေးလုပ်ငန်းရှင်တွေ၊ ဥပဒေပညာရှင်တွေဟာ ဒီနေ့မနက်က ချက်ထရီရန်ဟိုတယ်မှာ အလုပ်ရုံဆွေးနွေးပွဲ ကျင်းပပါတယ်။

အခုအသစ်ရေးဆွဲနေတဲ့ ဥပဒေကြမ်းအသစ်ဟာ ၂၀၁၄ ခုနှစ်က ပြဋ္ဌာန်းထားတဲ့ စားသုံးသူကာကွယ်ပေးရေးဥပဒေနဲ့ယှဉ်ရင် ပိုမိုပြည့်စုံပေမယ့် လိုအပ်ချက်တွေ အများကြီးတော့ ရှိသေးတယ်လို့ တက်ရောက်လာတဲ့ ဥပဒေပညာရှင်တွေက ပြောပါတယ်။

အခုရေးဆွဲနေတဲ့ စားသုံးသူကာကွယ်ရေး ဥပဒေကြမ်းဟာ ကုလသမဂ္ဂက သတ်မှတ်ထားတဲ့ ပဋိညာဉ် အချက် ၈ ချက်ထဲက ၇ ချက်ပဲ ပါတဲ့အတွက် အချက် ၈ ချက်စလုံး ပါဝင်ရေး စားသုံးသူကာကွယ်ရေး အသင်းအဖွဲ့တွေက ထောက်ပြဆွေးနွေးခဲ့ကြပါတယ်။