ကဗျာဆရာကြီး ဦးအံ့မောင်ရဲ့ ၈၅ နှစ်ပြည့်မွေးနေ့ပွဲကို ဒီဇင်ဘာ ၇ ရက်နေ့က မုံရွာမြို့၊ ဗိုလ်ချုပ်လမ်း၊ ဇောင်ကြမ်းပင်ကျောင်းတိုက်မှာကျင်းပခဲ့ပါတယ်။

မွေးနေ့ပွဲကို ရန်ကုန်၊ မန္တလေး၊ မိတ္ထီလာစတဲ့မြို့တွေက ကဗျာချစ်သူ၊ စာချစ်သူတွေ တက်ရောက်ခဲ့ကြပြီး အမှတ်တရကဗျာရွတ်တာ၊ အမှတ်တရစကားပြောကြားတာတွေ ပြုလုပ်ခဲ့ကြ ပါတယ်။

မွေးနေ့ပွဲအမှတ်တရအဖြစ် အသုံးလိုရင်ယူနိုင်ဖို့ ကဗျာစာအုပ်တွေ၊ ဆေးဝါးတွေ၊ လက်ကမ်း စာစောင်တွေကိုလည်းဝေငှခဲ့ပါတယ်။

ဆရာကြီးဦးအံ့မောင်က မွေးနေ့ပွဲအမှတ်တရ စကားအဖြစ် နှစ်ပေါင်း ၇၀ ခန့်ကြာ ပြည်တွင်းစစ်မီးကို အမြန်ဆုံးဝိုင်းဝန်းငြိမ်းသတ်ကြပြီး ငြိမ်းချမ်းရေးလမ်းကိုလျှောက်လှမ်းစေချင်တယ်။ တကမ္ဘာလုံး ငြိမ်းချမ်းစေချင်တယ်လို့ပြောပါတယ်။