မန်ယူအသင်းရဲ့ အမာခံပစ်မှတ် ပေါ်တူဂီတိုက်စစ်မှူး ရာဖေးလ်လီယိုဟာ ကမ္ဘာ့ဖလားအကြို ခြေစမ်းပွဲမှာ ပြိုင်ဘက်ကစားသမားကို မျက်နှာဖြတ်ရိုက်ခဲ့တာကြောင့် အနီကတ်ပြ ထုတ်ပယ်ခံခဲ့ရပါတယ်။
ပေါ်တူဂီအသင်းဟာ ချီလီနဲ့ ခြေစမ်းပွဲကစားခဲ့ပြီး ဘရူနိုဖာနန်ဒက်စ်၊ ဂီဒက်စ်တိုရဲ့ ဂိုးတွေနဲ့ ၂-၁ ဂိုးနဲ့ နိုင်ခဲ့တာပါ။
ဒါပေမဲ့ ပထမပိုင်းအပြီးမှာ ကစားသမားအချင်းချင်း ပြဿနာဖြစ်ရာကနေ လီယိုက ချီလီနောက်ခံလူ ရိုမန်ရဲ့ မေးစေ့ကို လက်နဲ့ ဖြတ်ရိုက်ခဲ့တာကြောင့် နှစ်ယောက်စလုံး အထုတ်ခံခဲ့ရပါတယ်။
ဒီအပြုအမူကြောင့် လီယိုအနေနဲ့ လာမဲ့ ကမ္ဘာ့ဖလားပြိုင်ပွဲမှာ ပွဲပယ်ပြစ်ဒဏ် ထပ်တိုးရင်ဆိုင်ရမလားဆိုတာ စောင့်ကြည့်ရမှာ ဖြစ်ပါတယ်။
အေစီမီလန်တိုက်စစ်မှူး လီယိုဟာ အသင်းကနေ ထွက်ခွာချင်နေပြီး ပရီးမီးယားလိဂ်ကို ပြောင်းရွှေ့ဖို့ စိတ်ဝင်စားနေသူပါ။ မန်ယူအသင်းကလည်း သူ့ကို ခေါ်ယူဖို အချိန်အတော်ကြာ စောင့်ကြည့်နေတာ ဖြစ်ပါတယ်။
