နှစ်ပေါင်း ၇၀ အတွင်း လကို ကမ္ဘာဂြိုဟ်ကနေ အကြီးမားဆုံးနဲ့ အတောက်ပဆုံး မြင်တွေ့ခဲ့ရတဲ့ စူပါမွန်းဖြစ်စဉ်မှာ ကမ္ဘာတလွှားမှ မြင်တွေ့ခဲ့ရတဲ့ အကောင်းဆုံးဓာတ်ပုံတွေအဖြစ် theatlantic.com သတင်းစာမျက်နှာကနေ ရွေးချယ်ဖော်ပြခဲ့ပါတယ်။

ပုံပေါင်း ၂၁ ပုံ ရွေးချယ်ဖော်ပြခဲ့တဲ့အထဲမှာ မြန်မာဓာတ်ပုံဆရာ ၂ ဦးရဲ့ ဓာတ်ပုံတွေလည်း ပါဝင်ခဲ့တာပါ။

အမှတ်စဉ် ၃ နေရာမှာ ဖော်ပြထားတဲ့ မြန်မာဓာတ်ပုံဆရာ အောင်ရှိုင်းဦးရဲ့ ဓာတ်ပုံကတော့ နေပြည်တော်မှာ ရိုက်ကူးခဲ့တာဖြစ်ပြီး တောင်တန်းတွေကြားက လမင်းကြီး ထွက်ပေါ်လာတာကို ပုံဖော်ရိုက်ကူးထားခဲ့တာပါ။

နောက်ထပ်ဖော်ပြခံရတဲ့ မြန်မာဓာတ်ပုံဆရာတဦးကတော့ ရဲအောင်သူဖြစ်ပြီး အမှတ်စဉ် ၁၅ နေရာမှာ ဖော်ပြထားခဲ့တာပါ။

သူ့ရဲ့ဓာတ်ပုံကတော့ ရှမ်းပြည်နယ်၊ ဟဲဟိုးမြို့မှာ ရိုက်ကူးထားခဲ့ကာ လမင်းကြီး ထွက်ပေါ်လာချိန် အဖြူခံပေါ်မှာ သစ်ပင်တပင်ရဲ့ အရိပ်ကို ပုံဖော်ရိုက်ကူးထားခဲ့တာပါ။

စူပါမွန်းဖြစ်စဉ်ကို ၁၉၄၈ ခုနှစ်က တွေ့ကြုံခဲ့ရဖူးပြီး နောက်တကြိမ်ကြုံတွေ့နိုင်မှာကတော့ နောက်ထပ် ၁၈ နှစ်အကြာ ၂၀၃၄ ခုနှစ်မှသာ ပြန်လည်ကြုံတွေ့နိုင်တော့မှာ ဖြစ်ပါတယ်။

ဒီစာမျက်နှာမှာဖော်ပြထားတဲ့ ကျန်တဲ့ပုံတွေထဲမှာတော့ သြစတေးလျ၊ အမေရိကန်၊ အင်္ဂလန်၊ ကာဇက်စတန်၊ ဟောင်ကောင်၊ ဗီယက်နမ်၊ နီပေါလ်၊ ထိုင်း၊ စပိန်၊ ဘင်္ဂလားဒေ့ရှ်၊ တရုတ် စတဲ့နိုင်ငံတွေက ရှုထောင့်အမျိုးမျိုးနဲ့ ရိုက်ကူးထားတဲ့ ဓာတ်ပုံတွေ ပါဝင်နေတာ ဖြစ်ပါတယ်။