ပြင်သစ်နိုင်ငံက မောင့်ဘလောင့်တောင်ပေါ် ရေခဲမြစ်တွေပေါ်ကနေ သွယ်တန်းထားတဲ့ ကောင်းကင်ကြိုး ကေဘယ်ကားတွေ ယိုယွင်းခဲ့လို့ မီတာ ၃ ထောင်ကျော် အမြင့်မှာ ပိတ်မိနေတဲ့ လူ ၃၃ ယောက်ကို သောကြာနေ့မနက်က ဘေးကင်းကင်း ကယ်ထုတ် နိုင်ခဲ့ပါတယ်။
တွဲလောင်းကျနေတဲ့ ကြိုးတွေကိုလဲ ပြန်ပြင်ပြီးပြီလို့ လုပ်ငန်းလည်ပတ်သူက ပြောပါတယ်။
ကြာသပတေးနေ့ညနေ ငါးနာရီခွဲက စက်ရပ်သွားအပြီး ကားတွေပေါ်မှာ သောင်တင် နေတဲ့ လူတွေကို ကယ်ဆယ်ရေးသမားတွေက သောကြာနေ့မနက် လင်းလင်းချင်း စကယ်ခဲ့တာပါ။
တောင်ထိပ် ၂ ခုကြား ၅ကီလိုမီတာခရီးကို သွယ်တန်းထားတဲ့ ကေဘယ်ကားတွေပေါ်မှာ လူအယောက် ၁၁၀ ကျော် ပိတ်မိနေခဲ့တာပါ။
လုပ်ငန်းလည်ပတ်သူ ကုမ္ပဏီက မတော်တဆမှုအတွက် အကြောင်းပြချက် မပေးပါဘူး။
လုပ်ငန်းစနစ် အနှောင့်အယှက်ကြောင့် ရပ်သွားနိုင်သလို လေပြင်းကြောင့်လည်း ကေဘယ်ကြိုးတွေ ပြတ်ကျတာ ဖြစ်နိုင်တယ်လို့ ပြောပါတယ်။
အဲ့လ်ပ်စ် တောင်တန်းရဲ့ အမြင့်ဆုံးတောင်ပေါ်မှာ ညမိုးမချုပ်ခင် ရဟတ်ယာဉ် ၄ စီးက လူ ၆၅ ဦးကို ကယ်ထုတ်ခဲ့ပါတယ်။
ညပိုင်းမှာ ကယ်ဆယ်ရေးသမားတွေက ကြိုးတွေသုံးပြီး လူတွေကို ဆက်ကယ်ထုတ် ခဲ့ပါတယ်။
ကေဘယ်ကားတွေကို ပြင်သစ်ဘက် တောင်ထိပ်ကနေ အီတလီနယ်စပ်ဘက် တောင်ထိပ်ဆီ သွယ်တန်းထားတာပါ။
ဒီခရီးကို ကေဘယ်ကား စီးနင်းမှုဟာ မိနစ် ၃၀ ကြာမှ ပြီးစီးတာ ဖြစ်ပါတယ်။
