မြန်မာနှင့် မလေးရှားအစိုးရတို့ရဲ့ အကျဉ်းသားလွှဲပြောင်းရေးအစီအစဉ်အပေါ် လူ့အခွင့်အရေး အဖွဲ့တွေက စိုးရိမ်နေချိန်မှာပဲ မလေးရှားမှာ တရားမဝင်နေထိုင်သူတွေကို ဖမ်းဆီးတဲ့ အထူးစီမံကိန်းတခုလည်း လာမယ့် ရက်သတ္တပတ်တွေမှာ ပြုလုပ်ဖို့ ရှိနေတာကြောင့် မလေးရှားရောက် မြန်မာတွေ စိုးရိမ်နေပါတယ်။
အကျဉ်းသားလွှဲပြောင်းရေး အစီအစဉ်ကြေညာပြီး ရက်ပိုင်းအတွင်း မလေးရှားမှာ တရားမဝင်နေထိုင်သူတွေကို နိုဝင်ဘာထဲ ဖမ်းဆီးတော့မယ်လို့ မလေးရှားအစိုးရက ကြေညာလိုက်တဲ့အတွက် အခုလို စိုးရိမ်စရာဖြစ်လာတာပါ။
ကွာလာလမ်ပူမှာရှိတဲ့ မြန်မာဒုက္ခသည်များအဖွဲ့ (Burma Refugee Organization) အဖွဲ့ရဲ့ ဥက္ကဋ္ဌ ဦးမောင်လှက အခုလိုပြောပါတယ်။
“ဟုတ်ပါတယ်။ ရဲက တစ်သိန်းတစ်သောင်း၊ စစ်သားက တစ်သိန်းတစ်သောင်း နောက်ပြီးတော့ ရေလာ၊ ရပ်ကွက်ကောင်စီ အဲလိုမျိုး လဝက ကဦးဆောင်ပြီးတော့ စစ်ဆင်ရေးကို လုပ်ဖို့အစီအစဉ်ရှိပါတယ်။ သတင်းစာထဲမှာ ခေါင်းကြီးပိုင်းကနေ ကြေငြာလိုက်ပါတယ်။”
အဲဒီ စီမံချက်ထဲမှာ မလေးရှားအစိုးရရဲ့ (6Ps) ပရိုဂရမ်လို့ လူသိများတဲ့ နိုင်ငံခြားသားတွေကို မှတ်ပုံတင်တဲ့အစီအစဉ်မှာ မှတ်ပုံမတင်ထားတဲ့ လူတွေကို အဓိက ဖမ်းဆီးဖွယ်ရှိတယ်လို့ ဆိုပါတယ်။
မလေးရှားကို တရားမဝင်နည်းနဲ့ရော၊ တရားဝင်နည်းနဲ့ပါ ရောက်နေတဲ့ မြန်မာနိုင်ငံသား သုံးသိန်းခွဲဝန်းကျင်ရှိနေတဲ့ထဲက တသိန်းဝန်းကျင်ဟာ (6Ps) ပရိုဂရမ်အောက်မှာ မှတ်ပုံတင်မထားကြပါဘူး။
ဒါ့အပြင် ကုလသမဂ္ဂက အသိအမှတ်ပြုထားတဲ့ မြန်မာဒုက္ခသည် ၉ သောင်းနီးပါးနဲ့ ဒုက္ခသည်အဖြစ် အသိအမှတ်ပြုခံရဖို့ လျှောက်ထားသူတွေလည်း မလေးရှားမှာ ရှိနေပါတယ်။
ချင်းလူ့အခွင့်အရေးအဖွဲ့ (Chin Human Rights Organization) က ဆလိုင်းဇာအုပ်လိန်း (Salai Za Uk Ling) က အဲဒီစီမံချက်ထဲမှာ အရပ်သားအဖွဲ့တွေပါ ပါဝင်လာမှာဖြစ်လို့ ဒုက္ခသည်တွေအတွက် ပိုပြီး စိုးရိမ်ရတယ်လို့ ပြောပါတယ်။
“မလေးရှားက လူတွေကို ဖမ်းတဲ့နေရာမှာ ရေလာလို့ခေါ်တဲ့ ပြည်သူ့စစ်လို၊ ရဲလည်းမဟုတ်ပဲနဲ့ အရပ်သားပဲလုပ်ထားတဲ့ သူတွေရှိတယ်။ ရေလာကဖမ်းတဲ့နေရာမှာ ပြဿနာဖြစ်တာက မှတ်ပုံတင်ကိုင်ထားတဲ့လူတွေ ယူအန်အိပ်ခ်ျစီအာ ကတ်ကိုင်ထားတဲ့သူတွေ၊ ပတ်စပို့ကိုင်ထားတဲ့ နိုင်ငံခြားသားတွေ မြန်မာပြည်သားမဟုတ်တဲ့ နိုင်ငံခြားသားတွေပဲ။ သူတို့က လူ့အခွင့်အရေး ချိုးဖောက်မှုတွေ အများကြီးလုပ်ထားတယ်။ ကတ်ပါတဲ့သူတွေကို ဖမ်းပြီးတော့ ကတ်တွေကို ဖွက်ထားပြီးတော့ တရားမဝင်ပါဆိုပြီး ဖမ်းထားတဲ့သူတွေ အများကြီးရှိတယ်။ အဲဒါကြောင့် အခုစိုးရိမ်နေတာလည်း မလေးရှားက အခုလိုမျိုး စစ်ဆင်ရေးပြန်လုပ်လို့ ရှိရင် အဖမ်းခံကြရမယ့်သူတွေက နည်းမှာမဟုတ်ဘူး။”
မြန်မာဒုက္ခသည်တွေထဲမှာ ချင်းတွေက အများစုဖြစ်တာ၊ ချင်းပြည်နယ်မှာ လည်း လူ့အခွင့်အရေးအခြေအနေတွေ မတိုးတက်သေးတာကို ထောက်ပြပြီး အကယ်၍ ဒုက္ခသည်တွေ ဖမ်းဆီးပြန်ပို့ခံရရင် မြန်မာပြည်ဘက်မှာ အကျဉ်းချခံရတာ၊ သို့မဟုတ် ညှဉ်းပန်းနှိပ်စက်ခံရမှာကို စိုးရိမ်တယ်လို့လည်း ဆိုပါတယ်။
မြန်မာဒုက္ခသည်များအဖွဲ့အဖွဲ့ရဲ့ ဥက္ကဋ္ဌ ဦးမောင်လှက လွန်ခဲ့တဲ့ နှစ်ရက်တုန်းကတော့ မလေးရှားမှာ ရှိတဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက သူတို့ အကူအညီပေးနိုင်တဲ့အခြေအနေတွေနဲ့ပတ်သက်လို့ ဒုက္ခသည်တွေကို ရှင်းပြခဲ့တယ်လို့ ပြောပါတယ်။
“သူတို့လုပ်ပေးနိ်ုင်တယ်ဆိုတာက တချို့လူတွေက မှတ်ပုံတင်မရသေးဘူး။ ကွန်မြူနတီကတ်တွေ ကိုင်ထားတယ်။ အဲဒီကတ်တွေ ကိုင်ထားတဲ့သူတွေနဲ့ ပတ်သက်ပြီးတော့ သူတို့က အကာအကွယ် လုပ်ပေးနိုင်တယ်၊ တကယ်လို့ အဖမ်းအဆီးဖြစ်လာရင် ဒီလူတွေက ယူအန်အိပ်ခ်ျစီအာရဲ့ မှတ်ပုံတင်ကို စောင့်နေတဲ့ ဒုက္ခသည်တွေပါဆိုပြီးတော့ သူတို့အကူအညီပေးနိုင်ပါတယ်။ ရပြီးသားလူတွေကတော့ သက်သေခံအထောက်အထားရှိတဲ့အတွက် သိပ်ပြောစရာမလိုဘူး။ ဒါပေမယ့် သူတို့ရဲ့ 6Ps ပရိုဂမ်မှာ ဒုက္ခသည်တွေက လက်ဗွေ နှိပ်ရတယ်လေ။ အဲတော့ ဒုက္ခသည်ပဲ ဖြစ်ဖြစ်၊ ရွှေ့ပြောင်းလုပ်သားပဲဖြစ်ဖြစ် အားလုံးဟာ 6Ps ပရိုဂရမ်မှာ ပူးပေါင်းပါဝင်ပြီးတော့ လက်ဗွေနှိပ်ရပါမယ်။ ဖမ်းတဲ့အခါမှာ စစ်ဆေးလို့မိရင် သူတို့ပြန်ပို့မယ်တဲ့။”
လေးရှားမှာ မြန်မာတိုင်းရင်းသား ဒုက္ခသည်အဖွဲ့အစည်းပေါင်း ၃၀ ကျော်ရှိပြီး UNHCR က အသိအမှတ်ပြုမခံရသူ တချို့ဟာလည်း သက်ဆိုင်ရာအဖွဲ့အစည်းတွေက ထုတ်ပေးတဲ့ ကွန်မြူနတီကတ်လို့ ခေါ်တဲ့ ကတ်ပြားတွေကို ကိုင်ထားကြပါတယ်။
ပြီးခဲ့တဲ့ ရက်ပိုင်းကလည်း နှစ်နိုင်ငံအစိုးရတွေကြား သဘောတူညီချက်အရ မလေးရှား ထိန်းသိမ်းရေးစခန်းတွေမှာရှိတဲ့ မြန်မာနိုင်ငံသား တထောင်ဝန်းကျင်ကို မြန်မာပြည်ဘက်ကို ပြန်ပို့ဖွယ်ရှိပါတယ်။
အစီအစဉ် ဘယ်တော့စမလဲဆိုတာ မသိရသေးခင်မှာ မလေးရှားမှာရှိတဲ့ ကုလသမဂ္ဂ ဒုက္ခသည်များ ဆိုင်ရာမဟာမင်းကြီးရုံးနဲ့ လူ့အခွင့်အရေးအဖွဲ့တွေက ကန့်ကွက်မှုတွေလည်း ထွက်ပေါ်နေပါတယ်။
ဒီလို ကန့်ကွက်နေတဲ့ကြားမှာပဲ တရားမဝင်သူတွေကို ဖမ်းဆီးပြန်ပို့မယ့် အစီအစဉ် ပေါ်လာတာပါ။
