ရန်ကုန်တိုင်းဒေသကြီးအတွင်း တရားဥပဒေစိုးမိုးရေးနဲ့ မှုခင်းဖြစ်ပွားမှုနှုန်းတွေ လျော့ကျဖို့ အတွက် ရည်ရွယ်ပြီး ရန်ကုန်တိုင်းဒေသကြီးရဲတပ်ဖွဲ့ မှုခင်းပညာပေးပြခန်းယာဉ်ကို ဒီနေ့ စက်တင်ဘာလ ၁ ရက်နေ့ကစတင်ပြီး တနေ့တမြို့နယ်စီ လှည့်လည်ပြသသွားမှာဖြစ်ပါတယ်။

ရန်ကုန်တိုင်းအတွင်း မှုခင်းကျဆင်းဖို့အတွက် ပြည်သူအခြေပြု ၄ မြို့နယ်စီမံချက်၊ ၈ မြို့နယ် စီမံချက်အပြီး ယခုလို မှုခင်းပညာပေးပြခန်းယာဉ်ကို အသုံးပြုပြီး အသိပညာပေးနေတာ ဖြစ်ပါတယ်။

 

ပြည်သူတွေအနေနဲ့ မှုခင်းဆိုင်ရာအချက်အလက်တွေကို သိရှိနားလည်ပြီး မှုခင်းဖြစ်ပွားမှုတွေ လျော့ကျလာအောင်ရည်ရွယ်ပြီး အခုလိုလုပ်ဆောင်ရတာဖြစ်တယ်လို့ ရန်ကုန်တိုင်းဒေသကြီး ရဲတပ်ဖွဲ့က တာဝန်ရှိသူတဦးက ဒီဗွီဘီကို ပြောပါတယ်။