တနင်္သာရီတိုင်းဒေသကြီး မြိတ်မြိ့နယ်တွင် သြဂုတ်လ ၁၅ ရက်နေ့ မနက် ၉ နာရီခွဲအချိန်ခန့်က မိုးသက်လေပြင်းများတိုက်ခတ်မှုကြောင့် မြို့ပေါ်ရပ်ကွက်တချို့မှာ သစ်ပင်ကြီးတွေနဲ့ အုန်းပင်တွေ လဲကျခဲ့ပါတယ်။
နာရီဝက်နီးပါး တိုက်ခတ်သွားတဲ့ အဆိုပါ မိုးသက်လေပြင်းဒဏ်ကြောင့် လဲပြိုတဲ့သစ်ပင်တွေဟာ လျှပ်စစ်ဓာတ်တိုင်နဲ့ ဓာတ်ကြိုးတွေပေါ်ကို ပြိုကျပြီး ဓာတ်အားပေးမှုတွေပါ ပြတ်တောက်ခဲ့ရ ပါတယ်။
အဲဒီလိုလေပြင်းတိုက်ခတ်လို့ ကန်ဖျားရပ်ကွက် ဘုရားငါးဆူကျောင်းအနီးသာကေတရပ်ကွက် သဲကွင်းနဲ့ အလယ်ကျွန်းနယ်မြေ နေရာအချို့မှာ သစ်ပင်ကြီးများပြိုလဲခဲ့ပြီး မြိတ်မြို့နယ် အုပ်ချုပ်ရေးမှူးအဖွဲ့နဲ့ မြို့နယ်မီးသတ်တပ်ဖွဲ့ဝင်တွေ ပူးပေါင်းကာ ရှင်းလင်းပေးခဲ့ပါတယ်။
အဆိုပါသစ်ပင်များပြိုလှဲမှုကြောင့် လူထိခိုက် ဒဏ်ရာမရရှိခဲ့ပေမယ့် လမ်းဘေး လျှပ်စစ်ဓာတ်တိုင် နဲ့ ဓာတ်ကြိုးများ ပျက်စီးနေပြီး လက်ရှိမှာ လျှပ်စစ်မီးများယာယီပြတ်တောက်သွားမယ်လို့ သက်ဆိုင်ရာ မီးလင်းရေးအဖွဲ့များထံမှ သိရပါတယ်။
အဲဒီလို ရုတ်တရက်တိုက်ခတ်သွားတဲ့ မိုးသက်မုန်တိုင်းဟာ တနာရီကို ၃၅ မိုင်ရှိတယ်လို့ မြိတ်ခရိုင် မိုးလေဝါသနှင့် ဇလဗေဒညွန်ကြားမှု ဦးစီးဌာနရုံးမှ တိုင်းထွာချက်အရသိရပါတယ်။
သတင်း၊ ဓာတ်ပုံ - မြတ်ထွဋ်
