ထိုင်းနိုင်ငံတောင်ပိ်ုင်း ဆုန်ခလာခရိုင်မှာ ၀ရမ်းပြေး မြန်မာပွဲစားတဦးတို့ကို ဖမ်းဆီးခဲ့ပြီး လူကုန်ကူးခံရသူ မြန်မာနိုင်ငံသား ၇ ဦးကို ကယ်ထုတ်ခဲ့တယ်လို့ ထိုင်းရတ်သတင်းမှာ ဖော်ပြပါတယ်။
မနှစ်က ဖမ်းဝရမ်းအမှတ် ၂၀၉၃/၂၅၅၈ နဲ့ ထွက်ပြေးလွတ်မြောက်နေသူ မြန်မာလူမျိုး ကိုနေလင်းဆိုသူမှာ ဆုန်ခလာခရိုင် ဟတ်ရိုင်မြို့နယ် ခွင်လန်အုပ်စုထဲမှာ ပုန်းခိုနေကြောင်း သတင်းပေးချက်ရတဲ့အတွက် တာဝန်ရှိသူတွေနဲ့အတူ အိမ်ဟောင်းတလုံးအတွင်းမှာ ၀င်ရောက်ဖမ်းဆီးခဲ့တာလို့ ဆုန်ခလာခရိုင် လူဝင်မှုကြီးကြပ်ရေးဌာန ရဲမှူးကြီး ပရပ်ခ်ျယား ပရဆန်ဆုခ်က သြဂုတ် ၁၀ ရက်နေ့ သတင်းစာရှင်းပွဲမှာ ပြောပါတယ်။
ဖမ်းဆီးခံရသူ ကိုနေလင်းရဲ့ ဖြောင့်ချက်ပေးမှုအရ ရောင်းစားခံရမယ့် အမျိုးသား ၇ ဦးကိုလည်း ဆုန်ခလာခရိုင် ဘန်ကလန့်မြို့နယ် ထာ့ချန့်ရပ်ကွက် နယ်မြေ ၄ ရှိ အိမ်ဟောင်းတလုံးကနေ ကယ်ထုတ်ခဲ့တယ်လို့ ရဲမှူးကြီးက ဆက်ပြောပါတယ်။
အဆိုပါ ၇ ဦးလုံးမှာလည်း မြန်မာနိုင်ငံသားတွေဖြစ်ပြီး ၄ ဦးက ထိုင်းတောင်ပိုင်း နရာသီဝပ်ခရိုင်ကို ပို့ပေးဖို့နဲ့ ၃ ဦးကတော့ မလေးရှားနိုင်ငံကို ပို့ဖို့ဖြစ်တယ်လို့ ဆိုပါတယ်။
သူတို့ ၇ ဦးကို အမှတ် ၆ တိုင်းရဲဌာနချုပ်မှာ ထပ်မံစစ်ဆေးဦးမှာဖြစ်ပြီး လူကုန်ကူးခံရသူတွေ ဖြစ်တယ်ဆိုရင် ပွဲစားကို အရေးယူမှာဖြစ်ကာ လူကုန်ကူးမခံရဘူးဆိုရင်တော့ လ၀ကဥပဒေနဲ့ အရေးယူပြီး မူရင်းနိုင်ငံပြန်ပို့မယ်လို့ ရဲမှူးကြီးက ပြောပါတယ်။
ဝရမ်းပြေး ပွဲစား ကိုနေလင်းကိုတော့ ဘန်ကောက်ကို ပို့ဆောင်ပြီး လူကုန်ကူးမှု၊ သူတပါးအားချုပ်နှောင်ထားမှု၊ တရားမ၀င် ၀င်ရောက်လာသူကို ထိုင်းနိုင်ငံတွင်း ရောက်ရှိအောင် အကူအညီပေးမှုတွေနဲ့ ဥပဒေအရ အရေးယူသွားမယ်လို့ ရဲမှူးရဲ့အပြောကို ကိုးကားပြီး သတင်းမှာ ဖော်ပြသွားပါတယ်။
