မြန်မာတနိုင်ငံလုံးက အသက် ၉၀ နှစ်နဲ့အထက် သက်ကြီးရွယ်အိုတွေကို လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ဇူလိုင်လကစပြီး ထောက်ပံ့ကြေးတွေ စပေးနေပြီဖြစ်ပါတယ်။
ထောက်ပံ့ကြေးတွေအနေနဲ့ အသက် ၉ဝ နဲ့ ၁၀၀ ကြားသက်ကြီးရွယ်အိုတွေကို ၁ နှစ်ကို ကျပ် ၁၅၀၀၀ ခွဲ၊ အသက် ၁၀၀ နဲ့ အထက်သက်ကြီးရွယ်အိုတွေကို ၁ နှစ်ကို ကျပ် ၁၈၀၀၀၊ ထောက်ပံ့ပေးသွားမှာ ဖြစ်ပါတယ်။
လူမIဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနက ညွှန်ကြားရေးမှူးချုပ် ဦးစိုးကြည် က “ကျနော်တို့ဝန်ကြီးဌာနက မြို့နယ်တိုင်းမှာ ရုံးတွေမရှိတဲ့အတွက် မြို့နယ် ထွေ၊အုပ် ရုံးတွေနဲ့ ပူးပေါင်းလုပ်ဆောင်နေပါတယ်။ အဲ့ဒီမှာ ထုတ်လို့ရပါတယ်။ ၁ နှစ်စာ အတွက် ပေးတာဖြစ်တဲ့အတွက် အဆင်ပြေတဲ့အချိန် ထုတ်လို့ရပါတယ်”လို့ ပြောပါတယ်။
ဒီအစီစဉ်ဟာ ဝန်ကြီးဌာနရဲ့ ရက် ၁၀၀ စီမံချက်အရ အကောင်အထည်ဖော်လိုက်တဲ့ လုပ်ငန်းစဉ်တခုလည်း ဖြစ်ပါတယ်။
မြန်မာတစ်နိုင်ငံလုံးမှာ အသက် ၉၀ နဲ့ ၁၀၀ ကြား သက်ကြီးရွယ်အို ၂၃၇၉၂ ဦး၊ အသက် ၁၀၀ အထက်သက်ကြီးရွယ်အို ၁၁၇၈ ဦး စုစုပေါင်း ၂ သောင်း ၅ ထောင်လောက်ရှိတယ်လို့ လူမှု ဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက သိရပါတယ်။
