ထိုင်းဝန်ကြီးချုပ် ပရာယွတ်ချန်အိုချားနဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်တို့ ထိုင်းအစိုးရအိမ်တော်မှာ ဒီနေ့ညနေ တွေ့ဆုံပြီး ထိုင်း-မြန်မာနိုင်ငံအကြား နားလည်မှု စာချွန်လွှာ ၃ ခု လက်မှတ်ရေးထိုးခဲ့ပါတယ်။
နှစ်နိုင်ငံ နယ်စပ်ဖြတ်ကျော် သွားလာမှု၊ အလုပ်သမားတွေ ခန့်အပ်မှု သဘောတူညီချက် ၂ ခုနဲ့ အလုပ်သမားရေးရာ ပူးပေါင်းဆောင်ရွက်တဲ့ နားလည်မှုစာချွန်လွှာတွေကို လက်မှတ်ရေးထိုးခဲ့ကြတာဖြစ်ပါတယ်။
နှစ်နိုင်ငံ ရွှေ့ပြောင်းအလုပ်သမားကိစ္စ နားလည်မှုစာချွန်လွှာကို ထိုင်းနိုင်ငံခြားရေးဝန်ကြီး Mr.Don Pramudwinai နဲ့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေတို့ လက်မှတ်ရေးထိုးခဲ့ကြပါတယ်။
လက်မှတ်ထိုးပွဲအပြီး သတင်းစာရှင်းလင်းပွဲမှာ ထိုင်းဝန်ကြီးချုပ် ပရာယွတ်ချန်အိုချားက “ဒေါ်အောင်ဆန်းစုကြည်နဲ့ အကြောင်းအရာ တော်တော်များများဆွေးနွေးဖြစ်ခဲ့တယ်။ နှစ်နိုင်ငံ ပြည်သူတွေအရေးအတွက် မြန်မာနိုင်ငံနဲ့ ပူးပေါင်းဆောင်ရွက်ဖို့ ထိုင်းဘက်က အဆင်သင့်ပါပဲ။ ထိုင်းနိုင်ငံက မြန်မာအလုပ်သမားတွေကို ဥပဒေအရ အကာအကွယ်ပေးရေး အပါအ၀င် တော်တော်များများဆွေးနွေးတယ်” လို့ ပြောခဲ့ပါတယ်။
ရွှေ့ပြောင်းအလုပ်သမားအရေးတွေအပြင် မြန်မာငြိမ်းချမ်းရေး ဖြစ်စဉ်ကိုလည်း ထောက်ခံ အားပေးသွားမှာဖြစ်ကြောင်း၊ ထားဝယ်စီးပွားရေးဇုန်နဲ့ပတ်သက်ပြီးလည်း ကျယ်ကျယ်ပြန့်ပြန့် ဆွေးနွေးခဲ့တယ်လို့ ထိုင်းဝန်ကြီးချုပ်က ပြောပါတယ်။
ဒေါ်အောင်ဆန်းစုကြည်ကတော့ အာဆီယံနိုင်ငံတွေရဲ့ ပညာရေးမြှင့်တင်ရေးကိစ္စတွေ၊ လူငယ်ကိစ္စတွေကို ပြောဆိုခဲ့သလို ထိုင်းနိုင်ငံကို ရောက်နေတဲ့ ရွှေ့ပြောင်းအလုပ်သမားတွေ အပြင် ဒုက္ခသည်တွေကို ထိုင်းအစိုးရက ပြုစုစောင့်ရှောက်ပေးတဲ့အတွက် ကျေးဇူးတင်ကြောင်း ပြောပါတယ်။
ဒါ့အပြင် ထိုင်းနိုင်ငံမှာရှိနေတဲ့ မြန်မာတွေအတွက် တာဝန်ယူတဲ့အကြောင်းလည်း ဒေါ်အောင်ဆန်းစုကြည်က သတင်းစာရှင်းလင်းပွဲမှာ ပြောဆိုခဲ့ပါတယ်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ထိုင်းဝန်ကြီးချုပ်ရဲ ဖိတ်ကြားချက်အရ မနေ့ ဇွန်လ ၂၃ ရက်နေ့က ရောက်ရှိပြီး ဘန်ကောက်မြို့ စမွတ်စခွန်ခရိုင် ထလေးထိုင်းဈေးခန်းမမှာ အလုပ်သမားတွေနဲ့ တွေ့ဆုံခဲ့ပါတယ်။
ဒေါ်အောင်ဆန်းစုကြည်ဟာ ဒီကနေ့ မနက်ပိုင်းမှာတော့ ထိုင်းနိုင်ငံခြားရေးဝန်ကြီး Mr.Don Pramudwinai နဲ့ တွေ့ဆုံခဲ့ပါတယ်။ အဲ့ဒီနောက် ထိုင်းနိုင်ငံခြားရေးဝန်ကြီးဌာနမှာပဲ ဒေါ်အောင်ဆန်းစုကြည်ဟာ ထိုင်းတက္ကသိုလ်အသီးသီးက ကျောင်းသားကျောင်းသူတွေကို "Myanmar, ASEAN and the World : the Way Forward" ခေါင်းစဉ်နဲ့ အထူး သင်ခန်းစာ တရပ် ဟောပြောပို့ချဆွေးနွေးခဲ့ပါတယ်။
