လာမယ့်ရက်ပိုင်းအတွင်း မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည် ထိုင်းနိုင်ငံကို လာရောက်တဲ့အခါမှာ မဲဆောက် နဲ့ မြ၀တီကြားက ဆောက်လုပ်ဆဲ ထိုင်း-မြန်မာ ချစ်ကြည်ရေး တံတားအမှတ် ၂ ရှိ မြေကွက်ပြဿနာကို ဆွေးနွေးမယ်လို့ တာဝန်ရှိသူတွေက ပြောပါတယ်။
ထိုင်းနိုင်ငံ လမ်းပန်းဆက်သွယ်ရေးဝန်ကြီး နိုင်းအားခုမ်း တိမ်းဖိထယားဖိုင်းဆစ်နဲ့ ဆောက် လုပ်ရေးဘက်ဆိုင်ရာ တာဝန်ရှိသူတွေဟာ ဇွန်လ ၁၉ ရက်နေ့က တာ့ခရိုင် မဲဆောက်မြို့နယ် ထာ့ဆိုင်လွတ်ရပ်ကွက်ရှိ ဆောက်လုပ်ဆဲ ထိုင်းမြန်မာချစ်ကြည်ရေး အမှတ် ၂ တံတားကို လာရောက်ကြည့်ရှုစစ်ဆေးပြီး သတင်းထောက်တွေကို ပြောကြား ခဲ့တာ ဖြစ်ပါတယ်။
ဘတ်ငွေ သန်းပေါင်း ၃၉၀၀ ကုန်ကျမယ့် အဆိုပါချစ်ကြည်ရေး အမှတ် ၂ တံတားကို ထိုင်းနိုင်ငံ လမ်းတံတားေ ဆာက်လုပ်ရေးဦးစီးဌာနမှ တာဝန်ယူဆောက်လုပ်နေကာ ထိုင်းဘက်ခြမ်းမှာ အရှည် ၁၇ ကီလိုမီတာ၊ မြန်မာဘက်ခြမ်း မြ၀တီဘက်မှာ ၄ ကီလိုမီတာ ရှည်လျားမှာ ဖြစ်ပါတယ်။
ထိုင်းဘက်ခြမ်းက တည်ဆောက်မှုအခြေအနေ ၂၅ ရာခိုင်နှုန်းပြီးစီးနေပြီး မြန်မာဘက်ခြမ်း ကတော့ လူနေအိမ်နဲ့ ဈေးဆိုင်တွေ တည်ရှိရာနေရာပါ ပါဝင်နေတဲ့အတွက် ကန့်ကွက်ခြင်း ခံထားရတာဖြစ်ပါတယ်။
ဒေါ်အောင်ဆန်းစုကြည်ဟာ ဇွန်လ ၂၃ မှ ၂၅ ထိ ထိုင်းနိုင်ငံကို လာရောက်မှာဖြစ်ပြီး ထိုင်း-မြန်မာနယ်စပ် စစ်ပြေးဒုက္ခသည်စခန်းတွေပါ ရောက်လာဖို့ရှိကြောင်း၊ မြ၀တီ ဒေသခံတွေ ဘက်ကလည်း တံတားဆောက်လုပ်ရေးမှာ သူတို့နေရာ အဖယ်မခံရရေးအတွက် ထပ်မံ တောင်းဆို ကန့်ကွက်စာပေးပို့မယ်လို့ သတင်းတွေထွက်ပေါ်နေတယ်လို့ ထိုင်းသတင်းမှာ ဖော်ပြပါတယ်။
