၂၀၂၆ ကမ္ဘာ့ဉာဏ်ရည်ဉာဏ်သွေးပြပွဲကို တရုတ်နိုင်ငံမြောက်ပိုင်း၊ တီယန်ကျင်းမြို့မှာ မေ ၂၈ ရက်ကနေ ၃၁ ရက်အထိ ကျင်းပခဲ့ပါတယ်။
အပြန်အလှန် အကျိုးပြုလှုပ်ရှားမှုတွေနဲ့ ဆန်းသစ်တီထွင်မှု ၂၀၀ ကျော်တို့ကို နောက်ဆုံး ၂ ရက်တာ ကာလအတွင်း အများပြည်သူအတွက် ဖွင့်လှစ်ပေးခဲ့ပါတယ်။
“ဉာဏ်ရည်ဉာဏ်သွေး - ကျယ်ပြန့်တဲ့ ဖွံ့ဖြိုးတိုးတက်ရေးနေရာ၊ ရေရှည်တည်တံ့တဲ့ တိုးတက်မှုမောင်းနှင်အား” ဆိုတဲ့ ခေါင်းစဉ်အောက်မှာ ၄ ရက်ကြာ ကျင်းပတဲ့ပွဲကို စတုရန်းမီတာ ၁၃၀,၀၀၀ ကျယ်ဝန်းပြီး ပြည့်စုံတဲ့ ပြပွဲဧရိယာမှာ ခင်းကျင်း ပြသထားတာပါ။
ဉာဏ်ရည်တု AI၊ အဓိက AI နည်းပညာတွေ၊ ဉာဏ်ရည်တုနဲ့ ချိတ်ဆက်ထားတဲ့ ယာဉ်တွေ၊ အမြင့်နိမ့် ဒရုန်းယာဉ်သုံး စီးပွားရေးနဲ့ စီးပွားဖြစ် အာကာသစူးစမ်းလေ့လာရေး၊ ဉာဏ်ရည်မြင့် ထုတ်လုပ်မှုနဲ့ နည်းပညာမြင့် နေထိုင်မှုပုံစံတို့အတွက် သီးသန့်ဇုန် ၆ ခု ပါဝင်ပါတယ်။
အထင်ရှားဆုံးပြပွဲတွေထဲမှာ ကော်ဖီဖျော်ပေးနိုင်တဲ့၊ မနက်စာချက်ပြုတ်ပေးနိုင်တဲ့ စက်ရုပ်တွေ၊ ဂန္ထဝင် တရုတ်ဘုတ်ဂိမ်း Go ကို ကစားနိုင်တဲ့ စက်ရုပ်တွေနဲ့ လက်ဝှေ့တောင် ကစားနိုင်တဲ့ စက်ရုပ်တွေ ပါဝင်ပါတယ်။ နောက်ထပ် ထူးခြားချက်တခုကတော့ လှေကားတက်နိုင်တဲ့ ဘီးတပ်ကုလားထိုင်တလုံးပါ။
မေ ၃၀ ရက် မွန်းတည့်ချိန်အထိ အဓိကနေရာဟာ လာရောက်လည်ပတ်သူ ၁၈၂,၀၀၀ နဲ့ လုပ်ငန်းပေါင်း ၇၀၀ ကျော်ကို ဆွဲဆောင်နိုင်ခဲ့ပါတယ်။
ဒါ့အပြင် ပြပွဲကာလအတွင်း တီယန်ကျင်းမြို့မှာ အဓိကစီမံကိန်း ၈၅ ခုကို လက်မှတ်ရေးထိုးခဲ့ပါတယ်။
Source: Reuters
