ထိုင်ဝမ်နားမှာရှိနေတဲ့ ဖိလစ်ပိုင်နိုင်ငံရဲ့ မြောက်ဘက်အကျဆုံးပြည်နယ် ဘာတန်းမှာ အမေရိကန် ရေတပ် (USMC)က ဖိလစ်ပိုင်နဲ့ နှစ်စဉ် ကျင်းပနေကျ စစ်ရေးလေ့ကျင့်မှုတွေအတွင်း မြေပြင်အခြေစိုက် ဒုံးကျည်စနစ်ဖြစ်တဲ့ ရေတပ်နဲ့ ကမ်းတက်တပ်ဖွဲ့တို့ရဲ့ စူးစမ်းရှာဖွေရေးသင်္ဘော တားဆီးရေးစနစ် (NMESIS) ကို မေလ ၂ ရက်မှာ ဖြန့်ကြက်ခဲ့ပါတယ်။

ဒီဒုံးကျည်စနစ်က ကမ်းရိုးတန်းကာကွယ်ရေးလုပ်ငန်းတွေမှာ အရေးပါတဲ့ အခန်းကဏ္ဍကနေ ပါဝင်နေပြီး ရန်လိုတဲ့ စစ်သင်္ဘောတွေကို ခြေရာခံဖို့၊ ပစ်မှတ်ထားဖို့နဲ့ မောင်းထုတ်ဖို့ တည်ဆောက် ထားတယ်၊ အရေးကြီးတဲ့ ပင်လယ်လမ်းကြောင်းတွေပေါ်မှာ နှစ်နိုင်ငံလုံးရဲ့ ကာကွယ်ရေးကို အားကောင်းစေတယ်လို့ ဝါရင့်တပ်ကြပ်ကြီး ဒါရန်ဂစ်ဘ်စ်က ပြောခဲ့ပါတယ်။

ဧပြီ ၂၀ ရက်ကနေ မေ ၈ ရက်အထိ ကျင်းပတဲ့ ဘာလီကာတန်လို့ ဖိလစ်ပိုင်လို ခေါ်ပြီး “ပခုံးချင်းယှဉ်”လို့ အဓိပ္ပာယ်ရတဲ့ နှစ်ပတ်လည်စစ်ရေး လေ့ကျင့်မှုဟာ ဒီနေ့အထိ ပါဝင်လေ့ကျင့်တဲ့ နိုင်ငံအရေအတွက် အများဆုံးပါတယ်လို့ အမေရိကန်နဲ့ ဖိလစ်ပိုင် အရာရှိတွေက ပြောခဲ့ပါတယ်။

ဒီစစ်ရေးလေ့ကျင့်မှုတွေက သြစတြေးလျ၊ နယူးဇီလန်၊ ဖိလစ်ပိုင်၊ အမေရိကန်၊ ဂျပန်၊ ကနေဒါနဲ့ ပြင်သစ်နိုင်ငံတို့က တပ်ဖွဲ့တွေကို အဆင့်မြင့်လက်နက်စွမ်းရည်တွေနဲ့ စစ်ဆင်ရေးအသင့်ဖြစ်မှုကို ပြဖို့ တပ်တွေကို စုစည်းပေးပါတယ်။

စစ်ရေးလေ့ကျင့်မှုတွေကို တုံ့ပြန်တဲ့အနေနဲ့ ရေတပ်နဲ့ လေတပ်တို့က အငြင်းပွားနေတဲ့ တောင်တရုတ်ပင်လယ်က စကားဘိုရို ရေတိမ်သောင်ခုံနားမှာ တိုက်ပွဲဝင်ဖို့ အသင့်ဖြစ်နေတဲ့ ပုံစံနဲ့ ကင်းလှည့်ခဲ့တယ်လို့ တရုတ် စစ်တပ်က ဧပြီ ၃၀ ရက်မှာ ပြောခဲ့ပါတယ်။