ကရင်ပါတီ ၅ ခုပေါင်းပြီး တပါတီတည်းဖွဲ့ဖို့ သဘောတူလိုက်ကြတယ်လို့ ကရင်ပြည်နယ်ဒီမိုကရေစီနဲ့ ဖွံ့ဖြိုးတိုးတက်ရေးပါတီ အတွင်းရေးမှူး ဦးစောသန်းမြက ပြောပါတယ်။
ကရင်ပြည်သူ့ပါတီ၊ ကရင်ပြည်နယ်ဒီမိုကရေစီနဲ့ ဖွံ့ဖြိုးတိုးတက်ရေးပါတီ၊ ဖလုံ-စဝေါ်ဒီမို ကရက်တစ်ပါတီ၊ ကရင်ဒီမိုကရက်တစ်ပါတီနဲ့ ကရင်အမျိုးသားပါတီ ၅ ခု ပေါင်းစည်းကြမှာ ဖြစ်ပါတယ်။
ကရင်ပြည်နယ်၊ ဘားအံမြို့မှာ ဒီနေ့ပြုလုပ်တဲ့ ပါတီ ၅ ခုရဲ့ တတိယအကြိမ်စည်းဝေးပွဲကနေ ပါတီတွေပေါင်းဖို့ သဘောတူခဲ့ကြတာလို့ သူက ပြောပါတယ်။
“ကရင်လူထုက ကရင်ပါတီတွေ များတယ်ပေါ့ဗျာ၊ နောက်ပြီးတော့ ကရင်လက်နက်ကိုင်တွေကလည်း များတယ်၊ ဖြစ်နိုင်မယ်ဆိုရင် ကရင်တပါတီ ပေါင်းစည်းလိုက်ပါလို့ လူထုတွေက တောင်းဆိုတယ်၊ နောက်တခုက ၂၀၁၅ ရွေးကောက်ပွဲမှာ ပါတီကများတဲ့အခါကျတော့ ရွေးကောက်ပွဲမှာ ရှုံးတယ်၊ အဲ့ဒါလည်း အကြောင်း တချက်ပါတယ်။”
ကရင်ပြည်နယ်အခြေစိုက် ကရင်ပါတီ ၃ ခု၊ ရန်ကုန်က ကရင်ပါတီ ၁ ခုနဲ့ ဧရာဝတီတိုင်းက ပါတီတခုတို့ ပေါင်းပြီး တပါတီဖွဲ့ဖို့ ဆုံးဖြတ်လိုက်ပေမယ့် ပါတီ နာမည်နဲ့ မူဝါဒတွေကိုတော့ နောက်တကြိမ် စည်းဝေးပွဲကျမှ ရွေးချယ်ဆုံးဖြတ်ကြမှာ ဖြစ်ပါတယ်။
ဒီ ကရင်ပါတီ ၅ ခုဟာ ၂၀၁၀ နောက်ပိုင်းမှာ ထွက်ပေါ်လာတဲ့ ပါတီတွေဖြစ်ပြီး ၂၀၁၅ ရွေးကောက်ပွဲမှာ အခြေမလှ ဖြစ်ခဲ့တဲ့ ပါတီတွေလည်း ဖြစ်ပါတယ်။
အခုဆိုရင် ကရင်နဲ့ ရခိုင်ပါတီတွေ ပေါင်းစည်းနိုင်ခဲ့ပြီဖြစ်ပြီး ရှမ်း၊ မွန် စတဲ့ပါတီတွေတော့ ပေါင်းစည်းနိုင်ခြင်း မရှိသေးပါဘူး။
