မြန်မာနိုင်ငံက အမျိုးသမီးတွေအနေနဲ့ ကိုယ့်ကျန်းမာရေးနဲ့ ပတ်သက်တဲ့ ဆုံးဖြတ်ချက်တွေကို ကိုယ်တိုင်ချမှတ်ခွင့် မရသေးဘူးလို့ နေပြည်တော်မှာရှိတဲ့ MICC ခန်းမဆောင်မှာ ကျင်းပပြုလုပ် တဲ့ ၈ ကြိမ်မြောက် အာရှပစိဖိတ် လိင်နှင့် မျိုးဆက်ပွား ကျန်းမာရေးနှင့် အခွင့်အရေးများဆိုင်ရာ ညီလာခံဖွင့်ပွဲ အခမ်းအနားမှာ ဒုတိယသမ္မတ ဒေါက်တာ စိုင်းမောက်ခမ်းက ပြောဆိုသွားခဲ့ တာပါ။
ဒါကြောင့် အမျိုးသမီးတွေရဲ့ စွမ်းဆောင်ရည်တွေကို မြင့်တင်ပေးဖို့ လိုအပ်သလို ပညာရေးနဲ့ မြင့်တင်ပေးဖို့လိုအပ်တယ်လို့ ပြောဆိုသွားခဲ့ပါတယ်။ ဒီအခမ်းအနားကို မြန်မာနိုင်ငံအနေနဲ့ အိမ်ရှင်နိုင်ငံအဖြစ် ပထမဆုံးအကြိမ် ကျင်းပပြုလုပ်တာဖြစ်ပါတယ်။
ဒီညီလာခံကို ဖေဖော်ဝါရီလ ၂၃ ရက်နေ့က ၂၆ ရက်နေ့အထိ ကျင်းပပြုလုပ်နေတာ ဖြစ်ပြီး ညီလာခံရဲ့ပထမနေ့မှာ လူငယ်တွေနဲ့ သက်ဆိုင်တဲ့အကြောင်းအရာတွေကို ဆွေးနွေးခဲ့ပြီး ကျန် ၃ ရက်မှာတော့ လိင်နှင့်မျိုးဆက်ပွား ကျန်းမာရေးနဲ့ အခွင့်အရေးများဆိုင်ရာ အကြောင်းအရာ တွေကို ဆက်လက်ဆွေးနွေးနေကြတာ ဖြစ်ပါတယ်။
