ဒီနေ့မနက်အစောပိုင်းက အိုးထရက်ဖို့ဒ်မှာ ကစားခဲ့တဲ့ ချန်ပီယံလိဂ် အဖွင့်ပွဲစဉ်မှာ မန်ချက်စတာ ယူနိုက်တက် အသင်းဟာ အဇာဘိုင်ဂျန်ချန်ပီယံ ဆာဘားအသင်းကို လေးဂိုးပြတ် အနိုင်ရရှိခဲ့ပါတယ်။

အဇာဘိုင်ဂျန်ကလပ် ဆာဘားအသင်းဟာ ခြေစစ်ပွဲ လေးဆင့် ကျော်ဖြတ်ပြီး ပထမဆုံးအကြိမ် ချန်ပီယံလိဂ် အုပ်စုအဆင့်ကို တက်ရောက်လာတာ ဖြစ်ပေမဲ့ ပရီးမီးယားလိဂ် အသင်းကြီးရဲ့ အဆင့်အတန်း ကွာခြားမှုကို ကြုံတွေ့ခဲ့ရတာပါ။

မန်ယူနိုက်တက်အတွက် အနိုင်ဂိုးတွေကို ကွန်ညာ၊ ဘရူနို ဖာနန်ဒက်စ်နဲ့ ရှက်စကို တို့က ပထမပိုင်းမှာတင် သွင်းယူပေးခဲ့ကြတာဖြစ်ပြီး ဒုတိယပိုင်း ၆၈ မိနစ်မှာတော့ နောက်ခံလူ မာတီနက်ဇ်က အပိတ်ဂိုး သွင်းယူခဲ့တာ ဖြစ်ပါတယ်။

ဒီနိုင်ပွဲကြောင့် မန်ယူနိုက်တက်ဟာ ချန်ပီယံလိဂ် ဇယားထိပ်ပိုင်းမှာ ပီအက်စ်ဂျီ၊ ဘာစီလိုနာ၊ ဘိုင်ယန်မြူးနစ် တို့ရဲ့ အနောက်မှာ ရပ်တည်နိုင်ခဲ့ပါတယ်။