ထိုင်းနိုင်ငံ လိပ်ကျွန်းလူသတ်မှုနဲ့ သေဒဏ်ကျခံနေရတဲ့ မြန်မာလူငယ်ဇော်လင်းနဲ့ ၀င်းဇော်ထွန်းတို့ကို မြန်မာအစိုးရကစေလွှတ်တဲ့ ဥပဒေကျွမ်းကျင်အဖွဲ့က အကျဉ်းထောင်မှာ သွားရောက်တွေ့ဆုံ အားပေးခဲ့ပါတယ်။
မြန်မာလူငယ် ၂ ဦး လွတ်မြောက်ရေးအတွက် တရားဥပဒေကြောင်းကနေ ကူညီဆောင်ရွက်ပေး ဖို့ ထိုင်းနိုင်ငံမှာ ရောက်ရှိနေတဲ့ ပြည်ထောင်စု ရှေ့နေချုပ်ရုံးက ဥပဒေပညာရှင် ဒု ညွှန်ကြားရေးမှူးချုပ် ဒေါ်ခင်ချိုအုန်း၊ မြန်မာနိုင်ငံရဲတပ်ဖွဲ့ မှုခင်းဆေးပညာရှင် ရဲမှူးကြီး စိုးနိုင်ဦး၊ မြန်မာနိုင်ငံရှေ့နေများကောင်စီမှအယူခံဆိုင်ရာ ကျွမ်းကျင်သူ ဦးဖေခင်တို့ ၃ ဦးအပါအ၀င် မြန်မာသံရုံးအထူးအဖွဲ့ဝင်တွေက ဇန်န၀ါရီ ၁၃ ရက်က နခွန်းဆီ ထမရတ်အကျဉ်းထောင်မှာ သွားရောက်တွေ့ဆုံခဲ့တာပါ။
မြန်မာလူငယ် ၂ ဦးကို စိတ်ဓာတ်ခွန်အားပေးဖို့နဲ့ လွတ်မြောက်ဖို့ အကောင်းဆုံးဖြစ်အောင် ဆောင်ရွက်ပေးမယ့်အကြောင်း ပြောကြားခဲ့တယ်လို့ မြန်မာသံရုံးအထူး အဖွဲ့မှ ရှေ့နေ ဦးအောင်မျိုးသန့်က ဒီဗွီဘီကို ပြောပါတယ်။
“ကလေး ၂ ယောက်ကို ညနေ နာရီ ကနေ ၄ နာရီထိ ၂ နာရီကြာ တွေ့ခွင့်ရခဲ့ပါတယ်။ တစ်အချက်က အားပေးစကားပြောတယ်။ နိုင်ငံတော်အနေနဲ့ လာတွေ့တဲ့ အကြောင်း၊ နိုင်ငံတော်သမ္မတကြီးကအစ နိုင်ငံတော်အစိုးရပိုင်းကလည်း ကူညီတယ်။ အဖွဲ့အစည်းတွေ ပုဂ္ဂိုလ်တွေကလည်း ကူညီတယ်။ အဲဒါတွေ သိရှိနားလည်ဖို့ပေါ့နော်။ နောက်တချက်က ကလေး ၂ ယောက်ကို ထောင်ထဲမှာ ကြံ့ကြံ့ခံပြီးနေပေးဖို့ သူတို့အတွက် ရှေ့ဆက်ပြီး အယူခံဝင်နိုင်ဖို့ အကောင်းဆုံးဖြစ်အောင် ဆောင်ရွက်ပေးမယ့်အကြောင်း၊ နောက်ပြီး ဥပဒေအရ ခံစားပိုင်ခွင့်တွေ ခံစားရအောင်လုပ်ပေးမယ့်အကြောင်းတွေ ပြောခဲ့ပါတယ်။”
သူတို့နဲ့ မတွေ့ခင် ထောင်မှူးကြီးနဲ့ အရင်သွားတွေ့ရာမှာ ထောင်မှူးကြီးကလည်း မြန်မာလူငယ် ၂ ဦးကို ကောင်းမွန်စွာထားရှိကြောင်း၊ စားသောက် နေရေးထိုင်ရေးကိစ္စ လူငယ် ၂ ဦးကို မေးမြန်းနိုင်ကြောင်းပြောခဲ့တယ်လို့ ဆိုပါတယ်။
တွေ့ဆုံစဉ် လူငယ် ၂ ဦးဟာ သံခြေကျင်းခတ်ခံထားရပေမယ့် ကျန်းမာရေးကောင်းမွန်ကြောင်း၊ ကော့ဆမွီထောင်မှာ နေရတာထက် ရုပ်ပိုင်းဆိုင်ရာအခြေအနေ ပိုကောင်းလာကာ ရုပ်မြင်သံကြားလည်း ကြည့်ခွင့်ရနေပြီး မုန့်ဖိုး ဘတ်ငွေ ၅ ထောင် ပေးအပ်ခဲ့တယ်လို့ ဆိုပါတယ်။
မြန်မာပညာရှင်အဖွဲ့ဟာ လိပ်ကျွန်းလူသတ်မှုရဲ့ စစ်ဆေးပြီးသားအမှုတွေထဲက အချက် အလက်တွေထုတ်နုတ်ပြီး အကြောင်းအရာ အချက်အလက် အခိုင်အလုံရဖို့လည်း ဆောင်ရွက်နေကြောင်း၊ ပြီးရင် ထိုင်းရှေ့နေများကောင်စီနဲ့ ပူးပေါင်းပြီး အယူခံဝင်သွားမယ်လို့ ဦးအောင်မျိုးသန့်က ပါတယ်။
ရခိုင်ပြည်ကနေ ထိုင်းနိုင်ငံမှာ အလုပ်လာလုပ်တဲ့ ၀င်းဇော်ထွန်းနဲ့ ဇော်လင်းတို့ ၂ ဦးဟာ ၂၀၁၄ ခုနှစ်က လိပ်ကျွန်းမှာ လာရောက်လည်ပတ်သူ ဗြိတိန်နိုင်ငံသား ၂ ဦးကို သတ်ဖြတ်သူအဖြစ် ထိုင်းရဲတပ်ဖွဲ့ကတရားလိုလုပ်တိုင်ကြားပြီး ကော့ဆမွီခရိုင်တရားရုံးကနေ အမြင့်ဆုံး သေဒဏ်အပြစ်ပေးခံနေရတာ ဖြစ်ပါတယ်။
