မြန်မာနိုင်ငံမှာ ဒီမိုကရေစီနဲ့လူအခွင့်အရေး တိုးတက်ရေး အိန္ဒိယအစိုးရအနေနဲ့ဆောင်ရွက်ပြောဆိုဖို့အိန္ဒိယနိုင်ငံ ချင်နိုင်းမြို့ကို ရောက်နေတဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ဇူလိုင် ၂၀ ရက်က ပြောဆိုလိုက်ပါတယ်။
မြန်မာနိုင်ငံရဲ့ လူ့အခွင့်အရေးချိုးဖောက်မူတွေဟာ ဆိုးဝါးနေဆဲဖြစ်ပြီး အိန္ဒိယအစိုးရအနေနဲ့မြန်မာနိုင်ငံက လူ့အခွင့်အရေးချိုးဖောက်မှုတွေကို လူသိရှင်ကြား ဝေဖန်ထောက်ပြဖို့၊ မြန်မာအာဏာပိုင်တွေနဲ့ ဒီမိုကရေစီခေါင်းဆောင် ဒေါ်အောင်ဆန်းကြည်တို့ တွေ့ဆုံဆွေးနွေးနိုင်ရေးအတွက် တိုက်တွန်းစေလိုကြောင်း ပြောဆိုခဲ့ပါတယ်။
[caption id="attachment_13037" align="alignright" width="310" caption="ဟီလာရီ ကလင်တန် (ဓာတ်ပုံ - ရိုက်တာ)"]
[/caption]
မြန်မာနဲ့ဆက်ဆံရာမှာ အိန္ဒိယနိုင်ငံအတွက် အကျိုးစီးပွားတွေ ရှိနေတယ်ဆိုတာနားလည်းသဘောပေါက်ပေမယ့် မြန်မာအစိုးရနဲ့ဆက်ဆံမူ့တွေ လုပ်တဲ့ တစ်ချိန်တည်းမှာဘဲ မြန်မာ့ဒီမိုကရေစီ အရေးတိုးတက်ရေးနဲ့ နိုင်ငံရေးအကျဉ်းသားတွေ လွတ်ပေးရေး အတွက်ကိုလည်း တောင်းဆို ပြောကြားတာတွေ လုပ်သင့်တယ်လို့ပြောဆိုသွားပါတယ်။
အမေရိကန် နိုင်ငံခြားရေးဝန်ကြီးရဲ့ ပြောစကားနဲ့ပတ်သက်ပြီး အိန္ဒိယကရောတကယ်ပဲ ပြောင်းလဲလာဖို့ရှိနေလား၊ ဒီတိုက်တွန်းချက်ကရော ထူးလာဖို့ရှိပါသလားဆိုတာ နယူးဒေလီမြို့ရှိ အဝေးရောက် ညွန့်ပေါင်း အစိုးရအဖွဲ့ (အန်စီဂျီယူဘီ) ဝန်ကြီး ဒေါက်တာ တင့်ဆွေကို မေးမြန်းထားပါတယ်။
အိန္ဒိယရဲ့ အနေအထားက မြန်မာကို စီးပွားရေးအရပဲ ပေါင်းမယ့်အနေအထား၊ မြန်မာ့ဒီမိုကရေစီအရေးနဲ့ ပတ်သက်ပြီးတော့ လုံးဝကို စိတ်မဝင်စားတဲ့ အနေအထားလို့ တွေ့ရလား ဆရာ။
“ကျနော်မြင်တာကတော့ ၁၉၉၂ က စခဲ့တဲ့ သူ့ရဲ့ ချဉ်းကပ်မှု ပုံစံကတော့ ဒီ တက်နေတဲ့ အစိုးရနဲ့ အဆင်ပြေ လိုက်လျောညီစွာ လုပ်ရမယ်ဆိုတဲ့ လမ်းကြောင်းကို သူက ရွေးတယ်။ အဲဒါကြောင့်မို့ စစ်အစိုးရက လိုချင်တဲ့ဟာတွေ တတ်နိုင်သလောက် အိန္ဒိယဘက်က လိုက်လျောခဲ့တယ်လို့ ပြောနိုင်တာပေါ့လေ။ ဒါပေမယ့် နောက်ပိုင်းမှာ အနည်းငယ် ပြောင်းလဲလာတာတော့ ကျနော်တို့ သတိထားမိတယ်။ ဥပမာ ဒေါ်အောင်ဆန်းစုကြည် လွတ်လာပြီးတဲ့ နောက်ပိုင်းမှာ ဆက်ဆံမှုက တမျိုးတိုးလာတယ်။ တိုးလာတယ်ဆိုတာ အရင်တုန်းက တကြောင်းသွားတကြောင်းစွဲ ဆက်ဆံရေးကနေ အခု ဒေါ်အောင်ဆန်းစုကြည်ကိုပါ ဆက်ဆံမှု စလာတဲ့ သဘောတော့ ကျနော်တို့ တွေ့ရတယ်ခင်ဗျ။ ပေါ်လစီပြောင်းသွားတယ်လို့တော့ ကျနော် မဆိုလိုပါဘူး။ ဒါကြောင့်လည်းပဲ မနေ့က ချင်းနိုင်မြို့မှာ မစ္စ ကလင်တန်က အခု လုပ်နေတဲ့ မြန်မာနိုင်ငံနဲ့ ပတ်သက်ပြီးတော့ အိန္ဒိယက ဆက်ဆံရေးလို့ ခေါ်တဲ့ engagement ပေါ့လေ။ ဆက်သွယ်ရေး၊ ထိတွေ့ရေးမှာ ဒီထက်ပိုပြီး ချဲ့ပါဆိုတဲ့ အကြံဥာဏ်ပေးပါတယ်။”
ဒီမတိုင်ခင် အိုဘားမား ကိုယ်တိုင်လာပြီးတော့ ပြောသွားတုန်းကလည်း ပြောခဲ့သေးတယ်။ အဲဒီကြားထဲမှာရော အိန္ဒိယဘက်က ပြောင်းလဲတာ တွေ့ရလို့လားဆရာ။
“ကြားထဲမှာကတော့ အခုန ကျနော် တင်ပြသလို ဒေါ်အောင်ဆန်းစုကြည် လွတ်လာတဲ့နောက်မှာတော့ ဆက်ဆံမှု ရှိလာတယ်။ သို့သော်လည်းပဲ ဒါက နိုင်ငံခြားရေး အတွင်းဝန် အဆင့်လောက်ပဲ ရှိသေးတဲ့ သဘောပဲ သက်ရောက်ပြီးတော့ အဓိကကျတဲ့ ဗမာနိုင်ငံနဲ့ ပတ်သက်တဲ့ နိုင်ငံတကာ စင်မြင့်တွေပေါ်မှာ အိန္ဒိယက အခုထိကတော့ လက်ရှိအုပ်ချုပ်နေတဲ့ လူတွေပဲ ဖြစ်မှာပေါ့လေ။ ဒီလက်ထက်မှာတော့ နိုင်ငံတကာစင်မြင့်က မပေါ်သေးဘူး။ အဲဒီတော့ ပေါ်လစီပိုင်းက ပြောင်းလာတာတော့ ကျနော် မတွေ့သေးဘူး။ ချည်းကပ်မှုအပိုင်းကတော့ အနည်းငယ် တိုးတက်ပြောင်းလဲလာတို့ ပြောနိုင်ပါတယ်။ အဓိကကတော့ ကမ္ဘာ့အရှေ့ဆုံး ဒီမိုကရေစီနိုင်ငံကြီးရဲ့ ခေါင်းဆောင်ကနေပြီးတော့ ကမ္ဘာ့အကြီးဆုံး ဒီမိုကရေစီနိုင်ငံကြီးကို လာတဲ့အခါမှာ ကမ္ဘာမှာ ဒီမိုကရေစီအမွဲဆုံး ဗမာပြည် အကြောင်းကို ပြောသွားတာဟာ အင်မတန်မှ အပ်စပ်တဲ့ စကားဖြစ်တယ်လို့ ကျနော် မှတ်ချက်ပြုချင်ပါသေးတယ်။”
အိန္ဒိယဟာ မြန်မာနိုင်ငံ လွတ်လပ်ရေးတိုက်ပွဲကစလို့ သမိုင်းကြောင်းအရကို နီးစပ်မှုတွေ ရှိခဲ့ပြီး အရင်တုန်းကတော့ မြန်မာ့ဒီမိုကရေစီအရေးအတွက် ထောက်အားပေးခဲ့တဲ့ နိုင်ငံတခုဖြစ်ပါတယ်။
၂၀၁၀ နိုဝင်ဘာလအတွင်း အိန္ဒိယကိုလာရောက်ခဲ့တဲ့ အမေရိကန် သမ္မတ အိုဘားမားကလည်း အိန္ဒိယအစိုးရဟာ် မြန်မာ့အရေးနှင့် ပတ်သက်လာရင် ခပ်မဆိတ်နေလေ့ရှိတယ်လို့ ပြောခဲ့ဘူးပါတယ်။
ကမ္ဘာ့အကြီးဆုံး ဒီမိုကရေစီနိုင်ငံဖြစ်တဲ့ အိန္ဒိယနိုင်ငံဟာ လူ့အခွင့်အရေးချိူးဖောက်မှုတွေကြောင့် အနောက်နိုင်ငံတွေက စီးပွားရေး ပိတ်ဆို့ဒဏ်ခတ်ထားတဲ့ အိမ်နီးချင်း မြန်မာနိုင်ငံနဲ့ကုန်သွယ်ရေး၊ စီပွားရေး၊ ရင်းနှီးမြှုပ်နှံမှုတွေ လုပ်နေသလို၊ စစ်လက်နက်ပစ္စည်းတွေလည်း ရောင်းချပေးနေပါတယ်။
