ရန်ကုန်တိုင်း ရွှေပြည်သာမြို့နယ်က စုပေါင်းအလုပ်သမား သပိတ်ကိုကူညီလို့ဆိုပြီး ဖမ်းဆီး တရားစွဲဆိုခံရတဲ့ ညီအစ်ကိုနှစ်ဦးကို ဒီကနေ့ ရန်ကင်းမြို့နယ်တရားရုံးက နိုင်ငံတော် အကြည်ညိုပျက်စေမှုပုဒ်မ ၅၀၅ (ခ) နဲ့ ထောင်ဒဏ် ၂ နှစ်ချမှတ်လိုက်ပါတယ်။
ထောင်ဒဏ်ချမှတ်ခံရသူတွေကကတော့ ကိုသူဇော်ကြည်ဝင်းနဲ့ နိုင်ဇော်ကြည်ဝင်းနှစ်ဦးကို ထောင်ဒဏ်ချမှတ်လိုက်တာဖြစ်တယ်လို့ ကိုသူဇော်က အမိန့်ချအပြီးမှ ပြောပါတယ်။
“ကျနော်တို့ ညီအစ်ကို နှစ်ယောက်လုံးကို အလုပ်ကြမ်းနဲ့ ထောင်ဒဏ် ၂ နှစ်စီ ချမှတ်လိုက်ပါ တယ်။ ကျနော်တို့ ဖက်က ဒီစတင်တရားစွဲဆိုကတည်းက မတရားတဲ့ တရားစွဲဆိုမှုဖြစ်တဲ့အ တွက်ကြောင့် ဒီအမိန့်အပေါ်မှာ ကျနော်တို့ မကျေနပ်ဘူး။ တရားရုံးကိုလည်း အယုံ အကြည်မရှိဘူး။ ဘာဖြစ်လို့ လဲဆိုတော့ အကူအပြောင်းကာလမှာ အလုပ်သမားတွေ က အခုလက်ရှိအခြေအနေအထိကို အဖိနှိပ်ခံနေရတယ်။ အခု တိုင်ရီတို့၊ ထိပ်တန်းမြန်မာတို့ဆိုရင် လုပ်ခလစာမရလို့ဆိုပြီးတော့ ဆန္ဒထုတ် ဖော်နေကြတယ်။ အဲဒါကို လစ်လှူရှုပြီး အစိုးရကနေပြီးတော့ တရားရုံးကနေပြီး အလုပ်သမားတွေကို ထောင်ချတာဟာ အလုပ်သမားတွေကို ထပ်ဖိနှိပ်တဲ့ ဖိနှိပ်မှုတခုပဲလို့ ကျနော် က မြင်တယ်။”
ကိုသူဇော်ကြည်ဝင်းနဲ့ ကိုနိုင်ဇော်ကြည်ဝင်းတို့ ညီအစ်ကိုနှစ်ဦးဟာ ပြီးခဲ့တဲ့ ဖေဖော်ဝါရီလ တုန်းကရွှေပြည်သူစက်မှုဇုံမှာ လုပ်ခဲ့တဲ့ အလုပ်သမားပူပေါင်းသပိတ်ကိုကူညီတယ်ဆိုပြီး သူတို့ကို ဖေဖော် ၀ါရီလ ၂၀ ရက်နေ့မှာ ဖမ်းဆီးတရားစွဲဆိုခဲ့တာဖြစ်ပါတယ်။
ရွှေပြည်သာစမှုဇုံက Ford Glory Garment, Costec International, E,land Myanmar Garment နဲ့ Han jen အထည်ချုပ်စက်ရုံတွေ အလုပ်သမားတွေဟာ အခြေခံလစာ ၃ သောင်းက နေ ၆ သောင်းအထိ တိုးမြှင့်ပေးဖို့၊ အမြဲတမ်း ဝန်ထမ်းနဲ့ နေ့စားဝန်ထမ်းတွေကို အကျိုးခံစားခွင့် တန်းတူရရှိရေး၊ နှစ်ပြည့်လုပ်သားတွေကို နှစ်တိုးကြေး (နှစ်ပြည့်ကြေး) ပေးအပ်ဖို့နဲ့ လုပ်ငန်းခွင် စည်းကမ်းတွေကို အလုပ်သမားသမဂ္ဂနဲ့ ညှိနှိုင်းရေးဆွဲဖို့ စတဲ့တောင်းဆိုချက် နဲ့ ဖေဖော်ဝါရီလ ဆန်းပိုင်းက ဆန္ဒပြခဲ့ပါတယ်။
ဖေဖော်ဝါရီလ ၂၀ ရက်နေရမှာတော့ အလုပ်သမားတွေနဲ့ ရဲ တွေအကြား ရုန်းရင်းဆန်ခတ် ဖြစ်ပွားခဲ့ပြီး ဆန္ဒပြအလုပ်သမားခေါင်းဆောင်တချို့ဖမ်းဆီးခဲ့ခဲ့ပါတယ်။
အဖမ်းခံခဲ့ရတဲ့ အလုပ်သမားခေါင်းဆောင်တွေကတော့ ကိုမျိုးမင်းမင်းနဲ့ ကိုနိုင်ဌေးလွင် တို့ကို ပုဒ်မ ၅၀၅ (ခ)နဲ့ တရားစွဲထားပြီး အခုချိန်ထိ အမှု ရင်ဆိုင်နေရဆဲဖြစ်ပါတယ်။
