လမ်းအန္တရာယ်ကင်းရှင်းရေးကို ထိထိရောက်ရောက်မဆောင်ရွက်ရင် နောက် ၅ နှစ်အတွင်း လမ်း အန္တရာယ်ကြောင့် သေဆုံးနှုန်း နှစ်ဆတိုးမယ်လို့ အာရှဖွံ့ဖြိုးရေးဘဏ် သယ်ယူပို့ဆောင်ရေး ပညာရှင်က ပြောပါတယ်။
“၂၀၁၄ ခုနှစ်အတွင်း လမ်းအန္တရာယ်ကြောင့် လူ ၄၃၀၀ လောက်သေဆုံခဲ့ပြီး ဒါကို ထိထိရောက်ရောက်မဆောင်ရွက်ဘူးဆိုရင် လာမယ့် ငါးနှစ်အတွင်းမှာ သေဆုံးမှုနှုန်းဟာ နှစ်ဆ တိုးလာပါလိမ်မယ်” လို့ သယ်ယူပို့ဆောင်ရေး ပညာရှင် အေဒရီယန် ဗီရွန် အိုကာမိုတိုက ပြောပါတယ်။
မြန်မာနိုင်ငံတွင်း လမ်းကွန်ရက်အခြေအနေက သယ်ယူပို့ဆောင်တဲ့အခါ နှောင့်နှေးစေပြီး ကုန်ကျစရိတ်လည်း ပိုများစေတယ်လို့လည်း သူက ဆိုပါတယ်။
ပြီးတော့ မြန်မာနိုင်ငံတွင်း လမ်းကွန်ရက် စီမံခန့်ခွဲမှုနဲ့ အန္တရာယ်ကင်းရေးတို့အတွက် အမေရိကန် ၂ သန်းအကူအညီပေးဖို့အတွက် အာရှဖွံ့ဖြိုးရေးဘဏ်က အတည်ပြု လိုက်ပါတယ်။
၂၀၁၇ ခုနှစ်မှာ စတင်မယ့် ဒီအစီအစဉ် အထောက်အပံ့ကို ဆင်းရဲနွမ်းပါးမှု လျှော့ချရေးအတွက် တည်ထောင်ထားတဲ့ ဂျပန်နိုင်ငံရန်ပုံငွေက တဆင့်ပေးအပ်တာဖြစ်ပြီး အာရှဖွံ့ဖြိုးရေးဘဏ်က စီမံမှာဖြစ်ပါတယ်။
