ကိုကာ ကိုလာ မြန်မာက ကုန်အမှတ်တံဆိပ် သံတမန်အသစ်အဖြစ် ခြင်းလုံးကစားသမား လွင်ဖြိုးဝင်းကို ခန့်အပ်ခဲ့ပါတယ်။

ဒီပွဲကို ရန်ကုန်မြို့ ရွက်လှေအသင်းမှာ အောက်တိုဘာ ၂၂ ရက်နေ့က ပြုလုပ်ခဲ့တာပါ။ ၂၀၁၃ ခုနှစ်က မြန်မာနိုင်ငံကို ၀င်ရောက်ခဲ့တဲ့ ကိုကာကိုလာဟာ ဒီဇိုင်းအသစ်အဖြစ်နဲ့ မက်စ် ပါဝါကိုလည်း မိတ်ဆက်ခဲ့ပါတယ်။

ဒီပွဲမှာ ခြင်းလုံးကစားနည်းတွေကို ခေတ်ပေါ်အကတွေနဲ့ ပူးပေါင်းဆင်ဆက်ခဲ့တဲ့အပြင် မြန်မာနိုင်ငံ ခြင်းလုံးအဖွဲ့ချုပ်ကို တရားဝင် အချိုရည်ပံ့ပိုးသူအဖြစ်လည်း မက်စ်ပါဝါက ကြေညာခဲ့ပါတယ်။

ဒါဟာ ကမ္ဘာမှာ နာမည်ကြီး ကုမ္ပဏီတခုက ရိုးရာ ကစားနည်းကဏ္ဍကို ဖော်ထုတ် ပူးပေါင်းလာခဲ့တာလည်း ဖြစ်ပါတယ်။