ထိုင်းကျောင်းသူ အသတ်ခံရမှု သံသယဖြင့် မြန်မာလှေလုပ်သား ၂ ဦး ဖမ်းဆီးခံရ
DVB
·
October 21, 2015
ထိုင်းနိုင်ငံတောင်ပိုင်း ရနောင်းခရိုင် ရနောင်းမြို့က အထက်တန်းကျောင်းသူတဦး အသတ်ခံရတာနဲ့ပတ်သက်ပြီး မြန်မာ လှေလုပ်သား ၂ ဦးကို အောက်တိုဘာ ၂၀ ရက်နေ့က ဖမ်းဆီးလိုက်တယ်လို့ သနေးရှင်း ထိုင်းသတင်းမှာ ဖော်ပြပါတယ်။
အသက် ၁၉ နှစ်အရွယ် ဇော်ရဲ နဲ့ မိုးဇင်အောင်တို့ ၂ ဦးဟာ လူသတ်မှုဖြစ်ပြီးတဲ့နောက် ရနောင်းကနေ ပျောက်ကွယ်သွားတယ်လို့ ဆိုပါတယ်။
အထူးစုံစမ်း စစ်ဆေးရေးရဲတပ်ဖွဲ့က ခြေရာခံလိုက်ရာမှ ထိုင်းတောင်ပိုင်း ဖန်ငခရိုင်က ငါးဖမ်းလှေပေါ်မှာ ၀င်ရောက်လုပ်ကိုင်နေတယ်လို့ သိရကြောင်း၊ အောက်တိုဘာ ၂၀ ရက်နေ့က ဖန်ငခရိုင် ခုရဘူရီမြို့မှာ လှေကမ်းကပ်လာစဉ် ၀င်ရောက်ဖမ်းဆီးခဲ့တာလို့ ရနောင်းခရိုင်ရဲမှူး နာ့လင်းပုတ်ဆယ ၀ိထယားက သတင်းထောက်တွေကို ပြောပါတယ်။
ဒီမတိုင်ခင်က လူသတ်မှုဖြစ်တဲ့ ရပ်ကွက်ထဲက ထိုင်းဆောက်လုပ်ရေး အလုပ်သမားတဦးကိုလည်း ဖမ်းဆီးစစ်ဆေးခဲ့ကြောင်း၊ ဒါပေမယ့် သေဆုံးသူ မိန်းကလေးရဲ့ လက်သည်းခွံထဲမှာ တွေ့ရှိတဲ့ လူသတ်သမားရဲ့ ဒီအန်အေ နဲ့ တိုက်ဆိုင်စစ်ဆေးရာမှာ မတူတဲ့အတွက် ပြန်လွှတ်ပေးခဲ့တယ်လို့ ဆိုပါတယ်။
ဒီလူသတ်မှုမှာ မြန်မာအလုပ်သမား ၂ ဦးအပြင် နောက်ထပ် မသင်္ကာဘွယ် ထိုင်းလူမျိုးတဦးလည်း ရှိသေးတယ်လို့ ရဲတပ်ဖွဲ့က ပြောပါတယ်။
ရနောင်းမြို့ ဘန်လင်းရပ်ကွက်မှာ နေထိုင်သူ အသက် ၁၈ နှစ်အရွယ် နန်းဆောင် အောလ၀ီ ဖမ်ဖောဝ်းထောင်း ခေါ် အက်ပ်ပဲလ်ဟာ ပြီးခဲ့တဲ့စက်တင်ဘာ ၂၈ ရက်နေ့က တဦးတည်းလမ်းလျှောက်ပြီး သူငယ်ချင်းဆီကို အလည်သွားစဉ် ရပ်ကွက်ဘုန်းကြီးကျောင်းအနီး လမ်းကြားမှာ ဒဏ်ရာပေါင်း ၁၇ ခုနဲ့ သေဆုံးသွားခဲ့တာဖြစ်ပါတယ်။
အနီးနားရှိစောင့်ကြည့်ကင်မရာမှာ စစ်ဆေးချက်အရ အက်ပ်ပဲလ်ဟာ မသေဆုံးခင်က တစုံတဦးနဲ့ ပြဿ နာဖြစ်ခဲ့ဟန်ရှိပြီး သူ့ရဲ့ လက်ကိုင်ဖုံးထဲမှာ သူ့နာမည်ကို တစုံတယောက်က ခေါ်လိုက်တဲ့အသံကြားရကြောင်း၊ ဒါ့အပြင် ပေါင်းမိုးပါ မော်တော်ဆိုင် ကယ်တစီး ဖြတ်သန်းပြီး အနီးက လမ်းကြားထဲမှာ ပုန်းခိုနေတဲ့ လူရိပ် ၂ ခုကိုပါတွေ့ရကြောင်း၊ မနေ့က ဖမ်းမိတဲ့ မြန်မာလူငယ် ၂ ဦးဟာ လူသတ်မှုဖြစ်ပွားတဲ့ နေရာအနီးမှာ အရက်ထိုင်သောက်ခဲ့ကြောင်း၊ အဲဒီနောက် ရနောင်းကနေ ပျောက်ကွယ်သွားတာလို့ ဆိုပါတယ်။
သံသယနဲ့ ဖမ်းထားတဲ့ မြန်မာလူငယ် ၂ ဦးရဲ့ ဒီအန်အေမျိုးဗီဇတွေပါ စစ်ဆေးဦးမယ်လို့ ရနောင်းရဲဌာန စခန်းမှူးက သတင်းထောက်တွေကို ပြောသွားပါတယ်။
ဒီအမှုနဲ့ ပတ်သက်ပြီး kanomjeeb ထိုင်းသတင်းမှာတော့ ဖမ်းဆီးရမိတဲ့ မသင်္ကာသူ လူရွယ် ၂ ဦးအနက်တဦးက လူသတ်မှု ကျူးလွန်ကြောင်း ၀န်ခံခဲ့တယ်လို့ ဆိုပါတယ်။
သေဆုံးသူမိန်းကလေးဟာ သူတို့ကို ကြမ်းတမ်းစွာ ဆဲဆိုတဲ့အတွက် မခံမရပ်နိုင်ဖြစ်ပြီး နောက်ကလိုက်လာကာ ဓားနဲ့ ထိုးသတ်ခဲ့တယ်လို့ ၀န်ခံခဲ့ကြောင်း သတင်းမှာ ဖော်ပြပါတယ်။