ကရင်ပြည်နယ် ဖာပွန်မြို့နယ် မဲဆန္ဒနယ်ဟာ စစ်တပ်နယ်မြေဖြစ်တဲ့အတွက် အာဏာရ ကြံ့ခိုင်ဖွံ့ဖြိုးရေးပါတီကိုအနိုင်ရဖို့ တခြားပါတီတွေအနေနဲ့ အတော်ကို ကြိုးစားရုန်းကန်ရမယ့် အခြေအနေမှာ ရှိတယ်လို့ ဒေသခံ ကိုယ်စားလှယ်လောင်းက သုံးသပ်ပြောပါတယ်။
ဖာပွန်မြို့နယ်မှာ အမှတ် ၁ နဲ့ အမှတ် ၂ မဲဆန္ဒနယ်ရှိပြီး အစိုးရတပ်မ တော် တပ်ရင်းတပ်ဖွဲ့တွေ အင်အားများတဲ့အတွက် အနိုင်ရဖို့ မလွယ်လှဘူးလို့ ဖာပွန်ပြည်သူ့လွတ်တော် ကိုယ်စားလှယ်အနေနဲ့ ၀င်ရောက်ယှဉ်ပြိုင်မယ့် အမျိုးသားဒီမိုကရေစီအဖွဲ့ချုပ်ပါတီက ကိုယ်စားလှယ်လောင်း ဦးစောဇော်ဝင်းက ပြောပါတယ်။
“မဲပေးပိုင်ခွင့်ကကျနော်တို့ ဖာပွန်ခရိုင်မှာ ပြီးခဲ့တဲ့ အရင်တခေါက်မဲ့စာရင်းကပ်တုန်းက ဖာပွန်မှာက၃ ထောင်ကျော်ကျော်ပဲရှိတယ်။ ပြည်သူလူထုရဲ့မဲဆန္ဒရှင်စာရင်းပေါ့နော်။ သူတို့တပ်ရဲ့မဲစာရင်းကတော့ သူတို့ မထုတ်ပြန်သေးဘူး။ တပ်ကလည်းတပ်ရင်း ၄ ရင်းရယ်၊ ၁ ဗျူဟာရယ်၊ အကုန်လုံး ၆ ရင်းစာလောက်ရှိတာပေါ့။ ကျနော်ထင်တာ သူတို့မှာ ၂ ထောင်ကျော်လောက်ရှိမယ်။ နောက်ပြီးတော့ သူတို့ရဲ့ ၀န်ထမ်းတွေဘာတွေနဲ့ ပြည်ခိုင်ဖြိုးတို့ တခြားပါတီတွေရဲ့ အင်အားနဲ့ဆိုရင်လည်း ကျနော်တို့ တော်တော် ခက်ခက်ခဲခဲနဲ့ ကျော်ဖြစ်ရမယ်”
ဒါ့အပြင် ကမမောင်းဘက်မှာလည်း မဲဆန္ဒရှင်ပြည်သူ ၁ သောင်းကျော်ရှိပေမယ့် နယ်ခြားစောင့်တပ်၂ တပ်ရှိတဲ့အတွက် ကြံ့ခိုင်ဖွံ့ဖြိုးရေးပါတီကို ကြိုတင်မဲနဲ့ ပေးသွားမှာကို စိုးရိမ်တယ်လို့ ပြောပါတယ်။
ဖာပွန်မြို့နယ်မှာ အမျိုးသားဒီမိုကရေစီအဖွဲ့ချုပ်၊ ကြံ့ခိုင်ဖွံ့ဖြိုးရေးပါတီ၊ တိုင်းရင်းသားစည်း လုံးညီညွတ်ရေးပါတီ၊ ဖလုံ-စဝေါ်ဒီမိုကရက်တစ်ပါတီနဲ့ တိုင်းရင်းသားစည်းလုံး ညီညွတ်ရေး ပါတီက ကိုယ်စားလှယ်လောင်းတွေ အသီးသီးဝင်ရောက်ယှဉ်ပြိုင်ကြဖို့ရှိနေကြတာ ဖြစ်ပါတယ်။
