စစ်မှုထမ်းဟောင်း ၂ ဦး သေနတ်ဖြင့် ပစ်သတ်ခံရ
DVB
·
August 31, 2015
သြဂုတ်လ ၃၀ ရက်နေ့ နေ့လယ် ၁ နာရီလောက်က စစ်မှုထမ်းဟောင်း ၂ ယောက်ကို ကျောက်မဲမြို့ရဲ့ အနောက်ဖက် ၉ မိုင်ခန့်အကွာ နောင်ပြစ်ကျေးရွာအနီးမှာ သေနတ်နဲ့ ပစ်သတ်ခံရပါတယ်။
သေဆုံးသူ ဦးစောလွင်က သေနတ်ဒဏ်ရာ ၆ ချက်နဲ့ ဦးအောင်နိုင်အေးက ၄ ချက်ပစ်ခံရတယ်လို့ ဦးစောလွင်ရဲ့သားက ပြောပါတယ်။
အခုအမှုကို နောင်ပိန်နယ်မြေ စခန်းမှူးက (ပ) ၃/၂၀၁၅ ပြစ်မှုပုဒ်မ ၃၀၂ အရ အရေးယူ ဆောင်ရွက်ထားတယ်လို့ သိရပါတယ်။
ကျောက်မဲမြို့နဲ့ အနီးတဝိုက်ဝန်းကျင်မှာ သေနတ်နဲ့ ပစ်ခတ်မှုတွေ မကြာခဏဖြစ်ပွားလေ့ရှိပြီး ၂၀၁၄ ခုနှစ်ကုန်ပိုင်းတုန်းကလည်း ကျောက်မဲမြို့လယ်ခေါင်မှာ စစ်မှုထမ်းဟောင်း တယောက်ကို သေနတ်နဲ့ ပစ်မှု ဖြစ်ပွားခဲ့ပါသေးတယ်။
သတင်းဓာတ်ပုံ - စုရည်ဖြိုး
