အမေရိကန်အခြေစိုက် လေယာဉ်ထုတ်လုပ်ရေး ကုမ္ပဏီတခုဖြစ်တဲ့ တာရာဖူဂျီယာ (Terrafugia) က ထုတ်လုပ်လိုက်တဲ့ TF-X ကားပျံ ပြေးလမ်းပေါ် မပြေးခင်အချိန်မှာ ငြင်ငြင်သာသာလေး ဆင်းသက်လာပုံကို ဒီဗွီဒီယိုထဲမှာ မြင်တွေ့နေရတာ ဖြစ်ပါတယ်။

အခုလက်ရှိမှာ TF-X ကို တည်ဆောက်ပြုပြင်ဆဲဖြစ်ပေမယ့် ဒီကားပျံဟာ အရှိန်နှုန်းမှန်မှန်နဲ့ဆိုရင် တနာရီကို မိုင် ၂၀၀ (တနာရီ ၃၂၁ ကီလိုမီတာ) နှုန်းနဲ့ မိုင် ၅၀၀ (၈၀၄) ကီလိုမီတာ အကွာအဝေးထိ ပျံသန်းနိုင်မှာဖြစ်ကြောင်း တီထွင်သူတွေက ဆိုပါတယ်။

ကားပျံထဲမှာ လူ ၄ ဦး တင်ဆောင်နိုင်မှာဖြစ်ပြီး လေယာဉ်မောင်းလိုင်စင်မလိုဘဲ ကားကို မောင်းနှင်နိုင်မှာဖြစ်သလို ကားကို ထိန်းချုပ်မောင်းနှင်ဖို့အတွက် လေ့ကျင့်ချိန် ၅ နာရီသာ လိုအပ်ပါတယ်။

မောင်းနှင်သူက ခရီးပန်းတိုင်တခုကို သတ်မှတ်ပေးရုံနဲ့ အော်တိုပိုင်းလော့စနစ်က ကျန်တဲ့အပိုင်းကို အလိုအလျောက် ထိန်းချုပ် မောင်းနှင်သွားမှာဖြစ်တဲ့အကြောင်း တာရာဖူဂျီယာ ကုမ္ပဏီက ဆိုပါတယ်။

ဘက်ထရီတွေကို ကားပျံရဲ့အင်ဂျင် ဒါမှမဟုတ် လျှပ်စစ်ကားအားဖြည့်ရုံတွေမှာ အားပြန်သွင်းလို့ရပါတယ်။ အရေးပေါ်အခြေအနေ ဖြစ်ပေါ်လာပြီဆိုရင် TF-X ကားပျံကို ဘေးကင်းကင်းနဲ့ ဆင်းသက်နိုင်အောင် လေထီးကို ထိထိရောက်ရောက် အသုံးချလို့ရပါတယ်။

လက်ရှိမှာ တည်ဆောက်ပြုပြင်ဆဲ အခြေအနေဖြစ်တာမို့ ၈ နှစ်မှ ၁၂ နှစ်အတွင်းမှာ အသုံးပြုလို့ရနိုင်မယ်လို့ မျှော်လင့်ထားပါတယ်။ ကားပျံဟာ နောက်ဆုံးပေါ် ဇိမ်ခံကားတစီးရဲ့ ဈေးနှုန်းနဲ့ အတူတူလောက် သွားကျမှာဖြစ်တဲ့အကြောင်း တာရာဖူဂျီယာက ဆိုပါတယ်။