လတ်တ​လော ပြည်တွင်း​မှာ အ​မေရိကန်​ဒေါ်လာ​ဈေး​တွေ ထိုး​ကျ​နေတာဟာ ​ဈေး​ကွက်စိမ်​ခေါ်မှုပဲဖြစ်လို့​ အစိုး​ရက ဝင်ထိန်း​လို့​လည်း​ မရနိုင်ဘူး​၊​ ဝင်ထိန်း​စရာလည်း​ မလိုဘူး​လို့​ ထင်ရှား​တဲ့​ စီး​ပွား​ရေး​လုပ်ငန်း​ရှင် ​ဇေကမ္ဘာ ဦး​ခင်​ရွှေက ​ပြောပါတယ်။

ပြီး​ခဲ့​တဲ့​နှစ် ​ကျောက်မျက်ပွဲက ​ဒေါ်လာ​တွေ ​ဈေး​ကွက်ထဲဝင်လာတာ​ကြောင့်​ ​ဒေါ်လာ​ဈေး​ကျ​နေတာလို့​လည်း​ ဆက်​ပြောပါတယ်။

ပို့​ကုန်သမား​တွေ အပါအဝင် လုပ်ငန်း​ရှင်​တွေ ​တော်​တော်များ​များ​ ​ဒေါ်လာ​ဈေး​ကျတာ​ကြောင့်​ အရှုံး​ပေါ်​နေတဲ့​အ​ပေါ် ဦး​ခင်​ရွှေက စပ်ကူး​မပ်ကူး​ ကာလမှာ ဖြစ်တတ်ပါတယ်လို့​ ​ပြောပါတယ်။

“ပို့​ကုန်လုပ်ငန်း​ရှင်​တွေ တွက်ထား​တာက​တော့​ ၈၀၀ - ၉၀၀ နဲ့​ ပို့​တာ​ပေါ့​ဗျာ။ ပြန်ရတဲ့​အချိန်မှာ ၇၅၀-၈၀၀ ဆို​တော့​ မကိုက်ဘူး​ပေါ့​ဗျာ ရှုံး​တယ်​ပေါ့​ဗျာ။ လတ်တ​လောက​တော့​ ဖြစ်တတ်ပါတယ် လတ်တ​လော စပ်ကူး​မပ်ကူး​ ကာလမှာ။ အပွင့်​လင်း​ဆုံး​ ​ပြောရရင် ​ရေရှည်သဖြင့်​က​တော့​ ​ကောင်း​တဲ့​လက္ခဏာ။ ​နောက်တခါ သူတို့​ ပို့​မယ် သွင်း​မယ် ဆိုလို့​ရှိရင် ၇၅၀ ပဲ အ​ခြေခံ သွင်း​ပို့​ရင် ဒီပြဿနာ တခါ မရှိ​တော့​ ပြန်ဘူး​။ ပို့​ရင်း​ပို့​ရင်း​နဲ့​ တခါ ၈၀၀ ​ဈေး​ပေါက်သွား​ရင် သူတို့​ မြတ်သွား​ပြန်​ရော။ အရင့်​အရင်ကလည်း​ ဒီလိုပဲ ၈၀၀ ​လောက်မှန်း​ပြီး​ ပို့​ကြတယ်။ ပြန်​ရောက်လာတဲ့​ အချိန်မှာ ၁၀၀၀ ဖြစ်တယ် မြိုး​မြိုး​မြက်မြက် မြတ်ကြတယ်။ အဲဒီအချိန်မှာ ဘာသံမှ မထွက်လာဘူး​၊​ အခုက ၉၀၀ ​လောက်နဲ့​ မှန်း​ပြီး​တော့​ ပို့​ကြတယ်၊​ ပြီး​တော့​မှ ၇၅၀- ၈၀၀ ဖြစ်တဲ့​အချိန်မှာ ညံကုန်​တော​ပေါ့​ဗျာ။ စီး​ပွား​ရေး​အရက ရှုံး​တာနဲ့​ မြတ်တာ နှစ်ခုပဲ ရှိတာကိုး​။”

ဒါ​တောင် ​ကျောက်မျက် ​ရောင်း​ရ​ငွေ ၃၀ ရာခိုင်နှုန်း​ ၄၀ ရာခိုင်နှုန်း​လောက်ပဲ ဝင်လာ​သေး​တာ၊​ ရာနှုန်း​ပြည့်​ ဝင်လာရင် ​ဒေါ်လာ​ဈေး​က ဒီ့​ထက်မက ထပ်ကျဖို့​ပဲရှိပြီး​ ​လော​လောဆယ်​ဒေါ်လာ​ဈေး​တက်ဖို့​ မမြင်​သေး​ဘူး​လို့​လည်း​ ဆိုပါတယ်။

ဒီ​နေ့​မှာပဲ စီး​ပွား​ရေး​ပညာရှင် ခင်​မောင်ညို (​ဘောဂ​ဗေဒ) က ​ဒေါ်လာ​ငွေကျရတဲ့​ အ​ကြောင်း​ရင်း​တွေကို သူ့​ဖေ့​စ်ဘွတ်စာမျက်နှာမှာ သုံး​သပ်​ရေး​သား​တင်ပြလိုက်ပါ တယ်။

ဒေါ်လာတန်ဖိုး​ ကျဆင်း​ရခြင်း​ဟာ အ​ကြောင်း​တခုတည်း​ကြောင့်​ မဖြစ်နိုင်ဘူး​၊​ အစိုး​ရလက်ထဲမှာ နိုင်ငံခြား​ သီး​သန့်​ရန်ပုံ​ငွေ ​ဒေါ်လာသန်း​ ၅၀၀၀ ​ကျော်ရှိ​နေတာ၊​ နိုင်ငံပိုင်အ​ဆောက်အဦနှင့်​ အိမ်ရာ​မြေများ​ ​ရောင်း​ချခဲ့​တာ​တွေက​နေ အစိုး​ရလက်ထဲကို မြန်မာကျပ်​ငွေ အများ​အပြား​ ဝင်​ရောက်သွား​တာ၊​ ပြီး​ခဲ့​တဲ့​နှစ်က ​ကျောက်မျက် ​ရောင်း​ရ​ငွေ​တွေ စံချိန်တင်ခဲ့​တာ၊​ လာမယ့်​ဇူလိုင်လမှာ လုပ်မယ့်​ကျောက်မျက်ပွဲက ထပ်ပြီး​ စံချိန်ချိုး​ဦး​မယ့်​ အလား​အလာရှိ​နေတာ စတဲ့​အချက်​တွေ​ကြောင့်​လို့​ သုံး​သပ်ထား​ပါတယ်။

ဒေါ်လာ​ဈေး​ကျတဲ့​ဒဏ်ကိ်ု တကမ္ဘာလုံး​ ခံစား​နေရတာပါလို့​လည်း​ ​ရေး​သား​ဖော်ပြထား​ပါတယ်။

ဇွန်လဆန်း​ကစပြီး​ ​ဒေါ်လာ​ဈေး​ ကျပ် ၈၀၀ ​အောက်ကျဆင်း​ခဲ့​တာပါ။ မနှစ်ဇွန်လက ကျပ်တ​ထောင်​လောက် ​ပေါက်​ဈေး​ ရှိခဲ့​ပါတယ်။