ရှမ်းပြည်တောင်ပိုင်းမှာ နယ်မြေခံပြည်သူ့စစ်နဲ့ အာဏာပိုင် စစ်တပ်တွေကို ငွေပေးပြီးတော့ ဒေသခံတွေ ဘိန်းစိုက်ပျိုးရေးလုပ်ငန်းကို အတော်များများ လုပ်ကိုင်နေကြပါတယ်။
ရှမ်းပြည်တောင်ပိုင်း နမ့်စန်၊ လွိုင်လင်၊ မိုင်းပွန်၊ ပင်လုံ၊ ဆီဆိုင်၊ ဟိုပုံး၊ လင်းခေး စတဲ့ ဒေသဘက်က ဒေသခံ ဘိန်းတောင်သူတွေဟာ နယ်မြေခံပြည်သူ့စစ်နဲ့ အာဏာပိုင်တွေကို ငွေပေးပြီး ဘိန်းစိုက်ပျိုးရေးလုပ်ငန်းကို တွင်တွင်ကျယ်ကျယ် လုပ်ကိုင်နေပါတယ်။
တချို့နေရာမှာ စစ်တပ်ကို တဧက ၅ သောင်းကနေ ၈ သောင်းအထိ မြို့နဲ့ အနီးအဝေးပေါ် မူတည်ပြီး ပေးရသလို ပြည်သူ့စစ်နဲ့ နီးစပ်တဲ့ဘက်မှာတော့ ထွက်ရှိလာတဲ့ ဘိန်းပိဿာချိန်ကို လိုက်ပြီး ပေးနေရတယ်လို့ နမ့်စမ်မြို့နယ်ဘက်က ဒေသခံတဦးက ပြောပါတယ်။
“အခုလုပ်တာကတော့ တောင်သာ ပအို့ဝ်၊ လီရှော အကုန်လုံးလုပ်တာပဲ။ အဲဒီဟာ မလုပ်ရင်လည်း ပိုက်ဆံက မရဘူး။ ရိုးရိုးအလုပ်လည်း မရှိဘူး။ ဘိန်းစိုက်တာက တရွာလုံး အိမ်တိုင်းပဲ စိုက်နေတာပဲ။ စစ်သားပအိုဝ် သူတို့နယ်မြေလေ ၂ ဖွဲ့တောင်ရှိတယ် ပအို့ဝ်နီနဲ့ ပအို့ဝ်ဖြူ။ ၁ ပိဿာလောက်ရရင် သူတို့ကို ၅ သောင်းလောက် ပေးရတယ်။”
ဘိန်းစိုက်ပျိုးရေးကို ဒေသခံတွေတင်မက နယ်စပ်ဘက်က တရုတ်လူမျိုးတွေပါ မြေဧက ရာနဲ့ချီပြီးတော့ လာပြီး ဝယ်ယူလုပ်ကိုင်ကြတယ်။
ဘိန်းစိုက်ပျိုးမယ်ဆိုရင် အရင်းနှီးက တဧကကို ကျပ်ဆယ်သိန်းလောက်ရှိမှ ဖြစ်တဲ့အတွက် ကိုယ်တိုင် မစိုက်နိုင်သူတွေကတော့ ဘိန်းခင်းမှာ နေ့စား အလုပ် သွားလုပ်ကြပြီး ဘိန်းခြစ်တဲ့ ရာသီဆိုရင် လုပ်အားခ ပိုရတယ်လို့ ပင်လုံမြို့ခံတဦးက ပြောပါတယ်။
တနေ့ကို ကျပ်တသောင်းအထိရတော့ အထက်တန်းနဲ့ တက္ကသိုလ် ကျောင်းသူကျောင်းသားတွေ၊ စစ်သားမိန်းမနဲ့ သားသမီးတွေလည်း လုပ်ကြတယ်လို့ ဆိုပါတယ်။
မြန်မာနိုင်ငံအစိုးရက မူးယစ်ဆေးဝါးပပျောက်ရေးစီမံကိန်းကို ၁၉၉၉ ခုနှစ် ကနေ ၂၀၁၄ ခုနှစ်အထိ ၁၅ နှစ်စီမံကိန်းနဲ့ အကောင်အထည်ဖော်နေတယ်လို့ နိုင်ငံပိုင်သတင်းနဲ့ မီဒီယာတွေမှာ မကြာခဏ ဖော်ပြနေပေမယ့်လည်း ဒေသထဲမှာတော့ ဘိန်းစိုက်ပျိုးမှု၊ ရောင်းဝယ်မှု၊ မူးယစ်ဆေးသုံးစွဲမှုနှုန်းတွေ မြင့်နေဆဲ ဖြစ်ပါတယ်။
ကမ္ဘာ့ကုလသမဂ္ဂ မူးယစ်ဆေးဝါးနဲ့ ရာဇဝတ်မှုဆိုင်ရာရုံးရဲ့ ၂၀၁၀ ခုနှစ် ဇွန်လထုတ် အစီရင်ခံစာမှာလည်း ကမ္ဘာမှာ မြန်မာနိုင်ငံဟာ ဘိန်းစိုက်ပျိုးမှု ဒုတိယ အများဆုံး နိုင်ငံဖြစ်ပြီး စိတ်ကြွဆေးထုတ်လုပ်မှုကတော့ အရှေ့တောင်အာရှ နိုင်ငံတွေထဲမှာ စတုထ္ထအများဆုံးနိုင်ငံလို့ ဖော်ပြသွားပါတယ်။
