လွန်ခဲ့တဲ့ ရက်ပိုင်းက ထိုင်းတောင်ပိုင်းမှာ အနည်းဆုံးလှေ ၂ စီး တိမ်းမှောက်ခဲ့ပြီး အဲဒီလှေတွေထဲမှာ မြန်မာအလုပ်သမားတွေလည်း ပါဝင်ပါတယ်။
ဖူးကက်ခရိုင် ရာချာကျွန်းအနီး တိမ်းမှောက်ခဲ့တဲ့ လှေပေါ်က ပျောက်ဆုံးနေသူ တချို့ကို ပြန်တွေ့ပြီဖြစ်ပြီး မြန်မာလုပ်သား ၂ ဦး ပါဝင်တယ်လို့ ခေါဝ်ဆွတ် ထိုင်းသတင်းမှာ ဖော်ပြပါတယ်။
ဘက်ဖိုးကားတစီးနဲ့ ဆောက်လုပ်ရေးပစ္စည်းတွေ တင်ဆောင်လာတဲ့ ဆိင်ထုဖူးကစ် - ၁ အမည်ရ ကုန်တင်လှေတစီးဟာ ဇူလိုင် ၇ ရက်နေ့က ဖူးကက်ခရိုင် ရာချာကျွန်းနဲ့ ကရပိခရိုင် ဖီးဖီးကျွန်းတို့ ကြားထဲမှာ လှိုင်းကြီးပြီး စက်လှေချို့ယွင်းတိမ်းမှောက်ခဲ့တာ ဖြစ်ပါတယ်။
လှေထဲမှာ လူ ၆ ဦး လိုက်ပါလာရာမှာ မြန်မာအလုပ်သမား ၂ ဦးဖြစ်တဲ့ ကိုငယ် (၁၈) နှစ်နဲ့ ကိုလူအေး (၂၀) နှစ်တို့ ၂ ဦးကို ဇူလိုင်လ ၉ ရက် ညနေ ၅ နာရီလောက်က ကရပိခရိုင် ကော်လန်းဒါးကျွန်း နယ်မြေ ၂ ခလောင်းခုန် ကမ်းခြေအနီးမှာ တွေ့ရှိခဲ့တယ်လို့ ကော်လန်းဒါးမြို့နယ် အုပ်ချုပ်ရေးမှူးက သတင်းထောက်တွေကို ပြောပါတယ်။
ဝါးလုံးတွေဖက်တွယ်ရင်း ရေထဲမျောနေတဲ့ သူတို့ ၂ ဦးကို ရွာသားတွေက ကယ်ဆယ်ပြီး မြို့နယ်ရုံးကို အကြောင်းကြားခဲ့ကြောင်း၊ မေးမြန်းချက်အရ သူတို့ ၂ ဦးဟာ ညီအစ်ကိုတွေဖြစ်ပြီး ရေထဲမှာ ၃ ရက်ကြာ ကူးခတ်မျောပါခဲ့ရကာ ခြေတောက်နဲ့ လက်တွေမှာလည်း ဒဏ်ရာတွေ ရခဲ့တာကြောင့် ကော်လန်းဒါးဆေးရုံကို ပို့ဆောင်ထားတယ်လို့ မြို့နယ်အုပ်ချုပ်ရေးမှူးက ဆိုပါတယ်။
လှေပေါ်ပါလာသူတွေထဲက အသက် ၃၀ အရွယ် နိုင်းနထိ ကလပ်ကျစ် ဆိုသူ ထိုင်းလူမျိုးကိုလည်း ဇူလိုင် ၈ ရက်နေ့ ညက ကော်လန်းဒါးမြို့နယ် နယ်မြေ ၅ ခလောင်းဟင် ကမ်းခြေအနီးမှာ ဆီပေပါပုံး ဖက်တွယ်လျက်နဲ့ တွေ့ရှိခဲ့ပြီး အစာရေစာပြတ်လပ် နွမ်းနယ်သလို ဒဏ်ရာတွေပါ ရရှိတဲ့အတွက် ကော်လန်းဒါးဆေးရုံမှာပဲ ပို့ဆောင်ထားတယ်လို့ ကယ်ဆယ်ရေးအဖွဲ့က ပြောပါတယ်။
နောက်ထပ် ပျောက်ဆုံးနေသူ ၃ ဦးကို တွေ့ရှိဖို့ ကယ်ဆယ်ရေးအဖွဲ့က ရှာဖွေရေးတွေ ဆက်လက်ဆောင်ရွက်နေတယ်လို့ ဆိုပါတယ်။
ပြီးခဲ့တဲ့ ဇူလိုင်လ ၈ ရက်နေ့မှာပဲ အက်ဒမန်ပင်လယ် ကော့ဟေးကျွန်းအနီးမှာ Sinaran Andaman အမည်ရှိ ကမ္ဘောဒီးယားပိုင် ကွန်တိန်နာတင်လှေတစီး တိမ်းမှောက်ခဲ့ပြီး ရေထဲမျောနေတဲ့ လူဆယ်ဦးကို ထိုင်းရေတပ်အမှတ် ၃ က ဟယ်လီကော်ပတာနဲ့ သွားရောက် ကယ်တင်ခဲ့တယ်လို့ matichon online ထိုင်းသတင်းမှာ ဖော်ပြပါတယ်။
အဲဒီလှေထဲမှာလည်း မြန်မာအလုပ်သမားတဦး ပါဝင်ပြီး ကျန်သူတွေကတော့ အင်ဒိုနီးရှားနိုင်ငံသားနဲ့ ကမ္ဘောဒီးယားနိုင်ငံသားတွေ ဖြစ်တယ်လို့ သတင်းမှာ ဖော်ပြပါတယ်။
