Home
မြန်မာသတင်း
ဆိပ်ဖြူမြို့နယ်တွင် ကပစစက်ရုံများ တိုက်ခိုက်ခံရပြီး ၃ ဦး ထက်မနည်း သေဆုံး
DVB
·
June 6, 2023

မကွေးတိုင်း၊ ဆိပ်ဖြူမြို့နယ်က စစ်တပ်ပိုင် ကပစစက်ရုံတွေအပါအဝင် စစ်ကောင်စီတပ်တွေ တိုက်ခိုက်ခံရပြီး ၃ ယောက်ထက်မနည်း သေဆုံးကာ အများအပြား ဒဏ်ရာရခဲ့တယ်လို့ ပခုက္ကူခရိုင် အမှတ်(၁၉) တပ်ရင်းက  ဇွန် ၄ ရက်မှာ ထုတ်ပြန်ပါတယ်။

ဆိပ်ဖြူမြို့နယ်အခြေစိုက် ကပစ ၂၁ လက်နက် ဂိုဒေါင်ကို မေ ၂၄ ရက် မနက် ၃ နာရီလောက်က ရှော့တိုက်ဒုံးတွေနဲ့ ပစ်ခတ်တိုက်ခိုက်ခဲ့တယ်လို့ ပခုက္ကူခရိုင် တပ်ရင်း (၁၉) ရဲ့ တပ်ရင်းမှူး ကိုပိုင်က ပြောပါတယ်။

တိုက်ခိုက်မှုအတွင်းမှာ ဗုံးသီးလုပ်တဲ့ အဆောက်အုံ ထိမှန်ခဲ့တယ်လို့ စုံစမ်းသိရှိရပြီး စစ်တပ်က သေဆုံးတဲ့သူတွေရှိတယ်လို့ ဆိုပါတယ်။

မေ ၂၇ ရက် ညနေ ၅ နာရီလောက်မှာ ဆိပ်ဖြူနဲ့ ကန်ဇွန်းမရွာ အနောက်ဘက် တမိုင်လောက်အကွာမှာရှိတဲ့ စစ်တပ်ကင်းအဖွဲ့ကို  လက်နက်ကြီးတွေနဲ့ သွားရောက်ပစ်ခတ်ခဲ့လို့ ၃ ယောက် သေဆုံးခဲ့တယ်လို့ ဆိုပါတယ်။

ဆိပ်ဖြူအခြေစိုက် ကပစ ၂၂ ကိုလည်း မေ ၂၈ ရက် ည ၁၁ နာရီလောက်မှာ ရှော့တိုက်ဒုံးတွေ နဲ့ပစ်ခတ်တိုက်ခိုက်ခဲ့ပြီး ထိခိုက်တဲ့ အခြေအနေကိုတော့ မသိရသေးဘူးလို့ ပြောပါတယ်။

စစ်တပ်လက်နက်ကြီးတွေနဲ့ ပြန်လည်ပစ်ခတ်ပေမယ့်လည်း ရဲဘော်တွေ ထိခိုက်မှုမရှိဘဲ မိုးမိလို့ ဖျားနာတာလောက်ပဲ ရှိခဲ့တယ်လို့ ဆိုပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024